အေးမြတ်သူ

အေးမြတ်သူ ရဲ့ပုံလေးတွေပါ ဂွမ်းလို့တင်ထားတယ်....

ကာတွန်း

ထာဝရအဆုံးထိ အချစ်ဆိုတာ ...

(၁)အချစ်ဆိုတာ သူ့ကို ကိုယ့်နှလုံးသားထဲ တိတ်တိတ်လေး ထည့်ဖွက်ထားတာဖြစ်တယ်။ ကိုယ်ဘယ်သွားသွား သူပါတယ်။ ကိုယ်ဘယ်ရောက်ရောက် တစ်သက်လုံးသူရှိနေတယ်။

(၂)အချစ်ဆိုတာ ကိုယ့်နှလုံးသားကို သူ့ဆီမှာပဲထားတယ်။ ထွက်မပြေးဘူး၊ လျှောက်မပြေးဘူး၊ သူ့နှလုံးသားထဲမှာပဲ ကိုယ့်နှလုံးသားကို ထာဝစဉ် လဲလျောင်းစေတယ်။
(၃)"ချစ်တယ်" ဆိုတဲ့စကားက လူကိုနွေးထွေးဖို့ လုံလောက်ခဲ့တယ်။ ဒါပေမယ့် အဲဒီစကားက တစ်ဖက်သတ်မဟုတ်ဘဲ နှစ်ဦးနှစ်ဖက် နှလုံးသားချင်းထပ်ရတယ်။
(၄)နင်သိလား ... ? ကိုယ့်ကိုနားလည်တဲ့လူကို ရှာဖို့ရာ မလွယ်ကူဘူး။ ဒါပေမယ့် ငါကံကောင်းခဲ့တယ်။ ဘုရားသခင်က ငါ့အတွက်မင်းကို စွန့်ကျဲခဲ့တယ်။ ရိုးရိုးရှင်းရှင်းစကားကို ငါအားမနာတမ်းပြောချင်တယ် "နင့်ကိုချစ်တယ်"...
(၅)နင့်ကိုချစ်တာ ခံစားမှုတစ်မျိုး၊ နင့်ကိုလွမ်းတဲ့အလွမ်းက ငါ့ကိုပျော်စေတယ်၊ နင့်ကိုဖက်ထားရတာ ငါ့အတွက် မှီခိုမှုတစ်မျိုးပေါ့။ နင့်ကိုနမ်းတော့ ကြည်နူးရတယ်။ နင်ဟာ အမြဲတမ်း ငါရဲ့ပျော်ရွှင်ခြင်းပေါ့ကွယ်...
(၆)အရင်က နင်နဲ့ငါမသိခဲ့လို့ "အချစ်"နဲ့ ငါလမ်းလွဲခဲ့ရတယ်။ ခုတော့ ငါ့ဘဝထဲ မင်းအပိုင်စီးဝင်လာခဲ့ပြီ။ အထီးကျန်ခဲ့ဖူးတဲ့ ငါ့နေ့ရက်နဲ့ ပျော်ရွှင်ခြင်းတွေ ပြည့်နေမယ့် ငါ့အနာဂတ်ကို မင်းတာဝန်ယူပေးပါ။
(၇)ထာဝရထက် မင်းကိုငါ တစ်ရက်ပိုချစ်တယ်။ ဘယ်အချိန်ပဲဖြစ်ဖြစ် နင့်ကိုငါ လွမ်းတယ်။ နင့်ဘေးမှာ ငါမရှိပေမယ့် ငါ့အလွမ်းထဲမှာ နင်အမြဲရှိတယ်။ ငါ့နှလုံးသားထဲမှာ နင်နေရာအပြည့်ယူထားတယ်။ 

(၈)ငါ့ဘဝထဲ မင်းရောက်မလာခင် ငါဟာနေ့ည မခွဲခြားတဲ့ တေလေငှက်တစ်ကောင်လို လူ့ပင်လယ်ထဲမှာ လမ်းပျောက်နေခဲ့တယ်။ မင်းဟာငါရဲ့ ဓူဝံကြယ်ပါ။ မင်းနှလုံးသားမှာ ခိုလှုံနိုင်ဖို့ ငါ့ကိုအလင်းပေး လမ်းညွှန်ခဲ့တယ်။

(၉)ငါတို့က တောင်ပံတစ်ဖက်စီသာ ရှိကြတဲ့ အိန်ဂျယ်တွေပါ။ နှစ်ယောက်ပွေ့ဖက်ပေါင်းစပ်မှ ပျံသန်းနိုင်မှာဖြစ်တယ်။ နင် ငါရဲ့တောင်ပံတစ်ဖက် လုပ်နိုင်မလား ... ?????
(၁ဝ)တစ်နေ့မှာ ပျော်ရွှင်ခြင်းက ဘယ်မှာလဲလို့ နင်မေးလာခဲ့ရင် ပျော်ရွှင်ခြင်းက လေထဲမှာလို့ နင့်ကိုငါ တိုးတိုးလေးပြောပြမယ်။ နင်ရှူရှိူက်လိုက်တဲ့ လေတိုင်းမှာ နင့်ကိုငါပေးမယ့် ပျော်ရွှင်ခြင်းတွေ ပါဝင်နေခဲ့တယ်။

အချစ်ဆိုတဲ့စကားလုံး

တစ်ခါက အရမ်းချစ်ကြတဲ့ ချစ်သူနှစ်ယောက်ရှိတယ်။ တစ်နေ့မှာ ကောင်လေးက အလုပ် ကိစ္စနဲ့ ဂျပန်နိုင်ငံကို သွားရတယ်။ ချစ်သူ ကောင်မလေး ကလည်း သူ့ချစ်သူ ကောင်လေးကို လေဆိပ်ကို လိုက်ပို့ ရှာတာ ပေါ့။ ကောင်မလေးက လေယာဉ်ပေါ်တက်ကာနီးမှာ ခုလို မှာရှာတယ်။

” ပြန်လာရင် ကြေးနန်း ကြိုပြီးရိုက်ပါနော်။ လေဆိပ်မှာ လာကြိုပါ့မယ် “..တဲ့။

Entertainment

Videos & Musics
http://shwevideos.net/
http://www.burmeseclassic.com/
http://shwedream.com/
http://shweo.com/
http://minthila.com/
http://mayhninaye.com/
http://myitzuri.com/
http://myanmarmp3album.com/
http://myanmarsongs.net/

News
http://www.myanmardaily.net/
http://www.news-eleven.com/
http://wikimyanmar.co.cc/
http://www.myanmarthway.co.cc/
http://www.monetine999.com/
http://ebooks.mmblogs.net/

Health
http://www.myanmarnewszone.com/health/
http://www.dts-medicaleducation.blogspot.com/


Blogs
http://myanmarlensman.com
http://www.thanlwin.com
http://www.myanmarchatonline.org
http://www.myanmarthway.co.cc
http://moemaka.com

အဖိုးတန်စကားလေး "ချစ်တယ်"

ချစ်ခင်မေတ္တာမျှကြတဲ့ လူ ၂ ဦးကြားမှာ တစ်ခါတစ်ရံ အေးစက်တဲ့ ဆက်ဆံရေးတွေနဲ့ သွေးမနွေးတော့ဘူးဆိုတာမျိုးတွေ ရှိနေတတ်ကြမှာပါပဲ ။ အဲဒီလို အခြေအနေမျိုးတွေအထိ တွေ့ကြုံမလာကြစေဖို့ မရိုးနိုင်တဲ့ စကားလေးတွေ၊ ဟန်ဆောင်မှုမပါတဲ့ ကိုယ်ဟန်အမူအရာကလေးတွေနဲ့ ချစ်သူ ၂ ဦးကြားက အချစ်စိတ်ကို နွေးထွေးတက်ကြွလာစေနိုင်တယ် ဆိုတာ အကြံပေးချင်လို့ပါ။
လက်တွေ့ဘ၀ထဲက နည်းလမ်းကလေးတွေ ဖြစ်ပြီး သင်နဲ့ သင့်လက်တွဲဖော်တို့ကြားက အချစ်တွေ သွေးနွေးလာစေဖို့ အသုံးဝင်နိုင်စရာတွေလည်း ဖြစ်ပါလိမ့်မယ် ။

အချစ်

လူ့နှလုံး နှင့် တူသော အသည်း ပုံသင်္ကေတသည် အစဉ်အလာအရ အချစ်ကို ကိုယ်စားပြုသည်
အချစ် ဆိုသည်မှာ လူ့ခံစားချက် နှင့် တွေ့ထိမှု အမျိုးမျိုးပါဝင်ပြီး အလွန် ပြင်းထန်သော စွဲလမ်းမှုကို ခေါ်သည်။ မြန်မာ့ ဓလေ့ထုံးစံတွင် တဏှာပါသော ၁၅၀၀ အချစ် နှင့် တပ်မက်ခြင်းကင်းသော ၅၂၈ အချစ် ဟူ၍ နှစ်မျိုး ခွဲထားသည်။ ၎င်းအချစ်နှစ်မျိုး အပြင် တိရစ္ဆာန်၊အရာဝတ္ထု၊ အကြောင်းအရာများကို ချစ်သော အချစ်များလည်းရှိသေးသည်။ ထိုကွဲပြားသော အဓိပ္ပါယ်များအပြင် ဖေါ်ပြရန် ခက်ခဲသော စိတ်ခံစားမှုများ အတွင်းမှ အချစ် ဆိုသော အခက်ခဲဆုံး စိတ်ခံစားမှုကြောင့် အချစ် ကို ဖွဲ့ဆိုသတ်မှတ်ရာတွင် အမြဲပင် ကွဲလွဲမှုများ ရှိသည်။
အခြေခံအားဖြင့် အချစ်သည်မှာ အခြားသူ တစ်ယောက်ကိုဖေါ်ပြ၍ မရနိုင်လောက်အောင် အလွန်ပြင်းထန်သော ကြင်နာခြင်း ခံစားမှု တစ်မျိုးပင်ဖြစ်သည်။ အချစ်ကို ဤမျှ တိုတောင်းသော အဓိပ္ပါယ်ဖွင့်မှုပင် များစွာသော စိတ်ခံစားမှုများ ကို ကိုယ်စားပြုပြီး တပ်မက်ခြင်း မှသည် အထိအတွေ့ အချစ် (romantic love) တဖန် ပလေတို အချစ် ခေါ် လိင်ကိစ္စ မပါသော အချစ် တို့ပါ သက်ရောက်နိုင်ပြီး တစ်ယောက်တည်းမှသည် အများသို့လည်း ရည်ရွယ်နိုင်သည်။ အချစ်ကို ပုံစံမျိုးစုံဖြင့် ပြုကျင့်ကျပြီး စိတ်၏ ဗဟို ဖြစ်သောကြောင့် လူမှုရေးတွင် အဓိက ကျပြီး အနုပညာ (creative art) တွင် အမြဲပါဝင်သည်။

ဒဿနဟုဆိုရာ

ဒဿနဆိုသည်မှာ လူအများက လက်ခံသော အဆိုစကားများ (သို့) အဆိုအမိန့်များပင် ဖြစ်သည်။ များပြားလှစွာသော သမိုင်းဝင်ပုဂ္ဂိုလ်ကြီးများ ပညာရှင်များ ပြောကြားခဲ့သော အဆိုအမိန့်များပင်ဖြစ်သည်။
ရွေးချယ်ခွင့်
တစ်ခါတုန်းက ဂရိတို့ ခေါမတို့ခေတ်မှာ ဆိုကရေးတီးဆိုတဲ့ အတွေးအခေါ် ပညာရှင်တစ်ယောက် ပေါ်ပေါက်ခဲ့ဖူးတယ်။( ဟဲဟဲ ခများတို့ မသိလောက်သေးဘူးထင်လို့)။
အဲဒီနောက်မှာတော့ အရစ္စတိုတယ်ဆိုတဲ့ နာမည်ကျော် လူသိများတဲ့ တပည့်တစ်ယောက်လည်း ပေါ်ပေါက်ခဲ့ဖူးတယ်။ ပြောချင်တာက သူတို့ဆရာတပည့် နှစ်ယောက်ရဲ့ အကြောင်းပါ။ ဆိုကရေးတီး နာမည်ကျော်ရတာဟာ အရစ္စတိုတယ်ရဲ့ ပယောက မကင်းခဲ့သလိုပဲ အရစ္စတိုတယ်ရယ်လို့ ဖြစ်လာတာဟာလည်း ဆိုကရေးတီးလို ဆရာကောင်းကြောင့် ဖြစ်လာရတယ်လို့ ဆိုပါတယ်။

မညီမျှသော တူညီခြင်း နှင့် မတူညီသော ညီမျှခြင်း

လူ
ဤလောက၌  …  …  …
နိမ့်ကျသောသူမှ ပင် ပေါက်ဖွားလင့်ကစား      …       မင်း အမတ် ဖြစ်နိုင်၏ ။
သူမိုက်  မှပင်  ပေါက်ဖွားလင့်ကစား    …       ပညာရှိဖြစ်နိုင်၏ ။
ဥစ္စာမရှိသူမှပင်  ပေါက်ဖွားလင့်ကစား  …       ကြွယ်ဝချမ်းသာနိုင်၏
ထို့ကြောင့်  …
လူယောကျာ်း   လူမိန်းမ တို့ကို မထီမဲ့မြင် မပြုအပ် ၊ အထင်မသေးအပ်ရာတည့်
  …                 (လောကနီတိ)                    …တစ်ကယ်တော့ လူဟာလူပါပဲ။ လူနှင့်လူကို ဘောက်မဲ့ကြောင့် မတူမတန် ခြေကန်နင်းဖွ ဆက်ဆံချင် ရပါသနည်း ။ လူတိုင်းတွင် အစွမ်းအစဟူသည် ရှိကြ၏ ။ လူမှန် နေရာမှန် မရောက်သေးသဖြင့်သာ အစွမ်းအစတို့ ငုပ်လျှိုးနေခြင်း ၊ သို့တည်းမဟုတ် အသုံးချခွင့်အပြည့်အ၀ မရနိုင်ကြသေးခြင်း သာ ဖြစ်ပေသည်။ ငါးသည် ရေနှင့် ကျွမ်းဝင်၏။ ငှက်သည် လေပေါ်တွင် ကျက်စားနိုင်၏။ ကုန်းသတ္တ၀ါ တို့သည်လည်း တည်မှီရာ ကုန်းမြေပေါ်တွင် မင်းမူ နိုင်ကြကုန်၏။ အဘယ်သို့သော စိတ်နှလုံးဖြင့် ငါသည်သာ အကောင်း အမွန် အတော် အတတ် ဟု မှတ်ဘိသနည်း။
ဤလောက၌ လူတို့သည် ပေါက်ဖွားရှင်သန်ရာ အရပ်ဒေသ ၊ ကျင်လည်ရာ ပတ်ဝန်းကျင် အသိုက်အ၀န်း ၊ မှီတည်ရာ အမျိုးအနွယ်ပေါ်လိုက်၍ အယုတ် အလတ် အမြတ် ကွဲပြားကြစေကာမူ  ၊ လူသည်  လူသာလျှင် ဖြစ်၏။ လူလူချင်း မထီမဲ့မြင်မပြုအပ်ရာ ။
တာဝန်
တာဝန်ကို ထမ်းဆောင်သူမှန်သမျှ သည် လေးစားထိုက်သူများဖြစ်၏။ ၀န်ကို ရှင်ဘုရင်ပင်လျှင် လေးစားရ၏။ သာမန်လူတို့ အဖို့မူ ပြောဖွယ်ရာမရှိပေ။ မည်သည့်ဝန်မျိုးကိုမဆို ထမ်းရွက်သည်ဖြစ်စေ လေးစားအပ်ရာ၏။  နှစ်နိုင်ငံ စစ်ပြေငြိမ်းရေး အတွက် တာဝန် တည်း ဟူသော ၀န်ကို ထမ်းနေသည့် သူပင်ဖြစ်စေ ၊ လမ်းဘေးတွင် ဗရမ်းဗတာဖြစ်နေသော အမှိုက်သရိုက် အညစ်အကြေးတို့ကို ရှင်းလင်း သုတ်သင်ရသည့် ၀န်ကို ထမ်းနေသည့် သူပင်ဖြစ်စေ ၊ ၀န်ကိုထမ်းနေသည့် သူချင်း အတူတူပင်ဖြစ်၏။ နှစ်ဦးစလုံး လေးစားထိုက်သူများ သာ ဖြစ်ပေသည်။  မည်သည့်ဝန်ကိုမျှ မထမ်းလိုသည့် တာဝန်မဲ့သော သူသည်သာ လူ့အသိုက်အ၀န်းမှ ဖယ်ရှားထိုက်သူဖြစ်၏။ အကျင်သူမျိုးတို့ကိုမူ အပြစ်ဒဏ်ခတ်ထိုက် ပေသည်။
အချို့သော သူတို့သည် မိမိတို့ လုပ်ကိုင်ဆောင်ရွက်နေရသည့် ရာထူးဌာနန္တရ ၊ အလုပ်အကိုင်ပေါ်မူတည် ပြီးလျှင် မိမိသည်သာ ကြီးမြင့်သော ၀န်ကိုထမ်းရွက်နေသူ အဖြစ် သတ်မှတ်ပြီး ၊ အခြားသူတို့ကို မထီမဲ့မြင် ပြုတတ်ကြကုန်၏။ အမှန်စင်စစ်မူ  အိမ်သာသန့်ရှင်းရေး တာဝန်ကို ထမ်းရွက်နေသူသည်လည်း လေးစားအပ်သည့် သူသာဖြစ်ပေသည်။ ထိုသူသာ တာဝန်မကျေပွန်ခြင်း ၊ မထမ်းရွက်ခြင်း ရှိပါမူ  ၊ အများအပြားသော သူတို့ စက်ဆုပ်ဖွယ် အချင်းအရာဖြင့် ကြီးစွာ အနှောက်အယှက် ဖြစ်နိုင်သည်သာ ။ ထို့ကြောင့်  တာဝန်တည်းဟူသော ၀န်ကို ကျေပွန်စွာ ထမ်းဆောင်သော အဘယ်မည်သောသူ ကိုမဆို လေးစားအပ်ရာသတည်း။
တာဝန် ၊ သို့တည်းမဟုတ် ထမ်းရွက်ထမ်းဆောင်ရန် အမှုကိစ္စဟူသမျှတို့သည် စနေဂြိုဟ်နှင့် ပတ်သက်သော အချင်းအရာများ ဖြစ်ကြ၏။ နာမည်တွင်လည်း နာမည်အဖျားစာလုံးကို စနေနံ  တ၊ထ၊ဓ၊ဒ၊န ဖြင့် အဆုံးသတ် မှည့်ခေါ်ထားသူ မှန်သမျှသည် အခြားသူများထက် တာဝန်တည်း ဟူသော အကြောင်းအရာဖြင့် ပိုမိုပတ်သက်ကြကုန်၏။ နှစ်လိုသည်ဖြစ်စေ မနှစ်လိုသည် ဖြစ်စေ ၊ ထမ်းရွက်လိုသည် ဖြစ်စေ ၊ မထမ်းရွက်လိုသည် ဖြစ်စေ ၊ အကျင်နာမည်ရှင်တို့မှာ တာဝန်များပြား တတ်ကြကုန်၏၊ ထို့ကြောင့် ယင်းကဲ့သုိ့သော အမည်ရှင်များသည် အခြားသောသူတို့ထက် အစွမ်းအစ ၊ အရည်အချင်း ၊ အရပ်ရပ် ပိုမိုပြည့်ဝ နေရန်လိုအပ်ပြီး ၊ ဖြစ်နိုင်သမျှ စိတ်ရှည်ရှည်ဖြင့် တာဝန်ကို ထမ်းရွက်သည်ပိုးနိုင်ရန်လည်း လိုအပ်၏။
ဆင်းရဲခြင်းကို မွေးဖွားတတ်သူများ
လူနှင့်လူ   နှိမ့်ချဆက်ဆံမှုပြုခြင်း ကား  လူကို လူဟု နားမလည်တတ်ခြင်း ၊ တနည်းအားဖြင့် လူစိတ်မရှိခြင်း ပင် ဖြစ်၏။ လူစိတ်ရှိသူသည်ကား လူလူချင်း  ဟူသော အမြင် ရင့်သန်၏ ။ မပြည့်သော အိုးတို့သည် ဘောင်ဘင်ခတ်ကြကုန်၏ ။ ပညာဥာဏ်နဲသူတို့သည် ငါဟု လက်မထောင်ပြ၏ ။ ပေါ်လွင်အောင် ရှေ့သို့ထွက်ပြတတ်ကုန်၏။ တစ်ပါးသူကိုလည်း ငါ့ထက်နိမ့်သည် ဟု စကားတင်း ဆိုတတ်ကြကုန်၏ ။ မမေးဘဲလည်း ပြော၏ ။ သူတစ်ပါးစကားကိုလည်း အလေးမမူတတ် ။ ကိုယ်ထင်ရာသာလျှင် စွတ်ရွတ်ပြောဆိုတတ်၏ ။ ထိုသူတို့နှင့် နီးစပ်စွာနေထိုင်ရခြင်းသည်လည်း ဆင်းရဲခြင်းကြီး တတ်၏ ။ နေ့စဉ်နှင့် အမျှ အတူနေရပါမူ နေ့စဉ်နှင့်အမျှ ဆင်းရဲခြင်းကျရောက်နေသည်နှင့် အလားသဏ္ဍန် တူ၏။ အချင်းအရပ် ၌  တစ်စက္ကန့် တစ်မိနစ် မျှ ပင် မနေကောင်း ။
ဝန်ကြီးလှသူများ (သို့မဟုတ်) ၀န်ကြီးများ
ထမ်းဆောင်ထမ်းရွက်ရမည့် တာဝန်များ များမြောင်ကြီးမားလှသူများကို ၀န်ကြီးများဟုခေါ်၏။ ၀န်ကြီး ဟူသည်မှာ ကားကောင်းကောင်းစီး ၊ အခြံအရံဖြင့်သွား ၊ အိမ်ကောင်းကောင်းတွင် နေသူများ ကို ခေါ်ဆိုခြင်းမဟုတ် ။ လူ့လောက လူ့ပတ်ဝန်းကျင် အကျိုး ၊ ရပ်ကွက် ၊ကျေးရွာ  ၊ မြို့ပြ ၊ ပြည်နယ် တိုင်းကား ၊ နိုင်ငံနှင့်အ၀န်း စသဖြင့် မြောက်များလှစွာသော သူတို့၏ အကျိုးကို ရှေးရှုလျှက် တာဝန်အမြောက်အများကို မနားမနေ ထမ်းရွက်သည်ပိုး နေသူများကို ခေါ်ဆိုခြင်း ဖြစ်သည်။ အဆိုပါကဲ့သို့သော တာဝန်အမြောက်အများကို သည်ပိုး ထမ်းရွက်နေသူများ မှာ လေးစားထိုက်သူ ၊ အရိုအသေပြုထိုက်သူများပင် ဖြစ်ကြသည်။  လောကတွင် ကြီးမြင့်သူတို့သည်သာ ကြီးလေးသော တာဝန်များကို ထမ်းဆောင်ထမ်းရွက် နိုင်ကြကုန်၏။ သေးနုတ်သိမ်မွှားသူတို့မှာ  သေးငယ်သော တာဝန်ကိုပင် လျစ်လျူရှု တတ်ကြလေသည်။ သို့ဖြစ်ခြင်းကြောင့် တာဝန်အမြောက်အများကို ထမ်းဆောင် နိုင်သူများမှာ လေးစားရိုသေထိုက်သော သူများပင်ဖြစ်သည်။ ယင်းသို့ပင် တာဝန်အမျိုးအစား နိမ့်သည် မြင့်သည် ဟူခြင်းထက် တာဝန်ကျေပွန်မှု က သာလျှင်  အဓိကကျလေသည်။ အိမ်သာ ကြွေခွက်တိုက်ရသည့် တာဝန်ဖြစ်စေ ၊ သန်းပေါင်းများစွာသော ဘဏ္ဏာကြေးငွေကို ထိမ်းသိမ်းရသည့် တာဝန်ဖြစ်စေ ၊ တာဝန်ကျေပွန်အောင် ထမ်းဆောင်နိုင်ဖို့သည်သာ ပဓါနဖြစ် လေသည်။
တာဝန်ထမ်းဆောင်နေသူချင်း   မထီမဲ့မြင် မပြုပါနှင့်
တာဝန်ထမ်းဆောင်နေသူအချင်းချင်း သူသည်ကား ငါ့ထက်နိမ့်သည်ဟူ၍ မထီမဲ့မြင် နှိမ်ချဆက်ဆံခြင်း မပြုအပ် ။ ပမာအားဖြင့် ယန္တရားကြီးတစ်ခုကိုလည်ပတ်သောအခါ  ကြီးမားသော  မောင်းတံ ၊ ဒေါက်တိုင် စသည်တို့သည် အရေးပါသကဲ့သို့ပင် ၊ သေးငယ်လှသော မူလီလေး တစ်လုံးသည်လည်း သူ့နေရာနှင့်သူ အရေးပါသည်နှင့် အလားသဏ္ဍန် တူ၏။ ယင်းသို့ သေးငယ်လှသော မူလီလေးတစ်လုံး ကို ဂရုမပြု အလေးမထားမိသဖြင့် မြောက်များလှစွာသော ယန္တရားကြီးများ  ရပ်တန့်သွားခဲ့ရဖူး၏။ သို့ဖြစ်ခြင်းကြောင့်  တာဝန်ကို ထမ်းဆောင်နေရသူ အချင်းချင်းတွင် တံခါးစောင့် ၊ ဂိတ်စောင့် မှ အစ သန့်ရှင်းရေးဝန်ထမ်းများ .. စသဖြင့်သော အောက်ခြေ၀န်ထမ်းများသည်လည်း  အရေးပါသည်သာ ဖြစ်ကြောင်း မှတ်ယူသင့် ပေသည်။ ယင်းတို့ကိုလည်း လေးစားသမှု ပြုအပ်သည် သာ ဖြစ်ပေသည်။ အလားတူပင် တာဝန် ထမ်းဆောင်နေသူအချင်းချင်း တွင် အထက်နှင့်အောက် အပြန်အလှန်လေးစားသမှု ရှိရန် အထူး လိုအပ်လှပေသည်။ အပေးအယူညီမျှ သော် ကြီးမားသော ယန္တရားကြီးတို့သည် အထစ်အငေါ့မရှိ ချောမွေ့စွာ  လည်ပတ်နိုင်လေသည်။ သို့မဟုတ်ပါမူ  မည်သည့် လုပ်ငန်းကိုင်ငန်း တို့တွင်မဆို ( မကြာခဏဖောက်ပြန် ချွတ်ယွင်းတတ်သော ယန္တရားအိုကြီးဖြင့် အလုပ်ဖင့်လှစေသည့်အလား ) အချင်းချင်း မညီမညွတ် မမျှတခြင်းကြောင့် အကျိုးမဲ့ရတတ်လေသည်။ နိုင်ငံတစ်ခု ၊ သို့တည်းမဟုတ် လုပ်ငန်းတစ်ခု တွင် ယင်းအချက်မှာလည်း သတိပြုရမည့် အချက်တစ်ရပ်  ဖြစ်လေသည်။
နိဂုံး
တာဝန်အမျိုးအစား နိမ့်ခြင်း မြင့်ခြင်း ထက် တာဝန်ကိုကျေပွန်စွာ ထမ်းရွက်မှု ရှိမရှိကသာလျှင် ပဓါနကျသော အချက်ဖြစ်သည်။ တာဝန်ကြီးကြီးယူထားလျှင် အလုပ်ကို ပိုမို ကြိုးကုတ် လုံလ ထုတ်ရမည်သာ ဖြစ်သည်။ ၀န်ကြီးကြီးထမ်း လိုလျှင် ပခုံးကောင်းကောင်းရှိရန် လိုမည်သာတည်း ။




 ၅၄ ဘီလျံ ချမ်းသာသော ဘေးလ်ဂိတ်စ် အမေရိက၏ အကြွယ်ဝဆုံးအဖြစ် ဆက်တည်ရှိ
မစ္စတာဂိတ်စ်သည် ထင်ရှားသော ပရဟိတ အလှူရှင် ဖြစ်ပြီး အမေရိကန် ပြည်ထောင်စု၏ အချမ်းသာဆုံး ပုဂ္ဂိုလ်လည်း ဖြစ်သည်။
မိုက်ကရိုဆော့ဖ်တ် (Microsoft) အား ပူးပေါင်းတည်ထောင်သူ ဘေးလ် ဂိတ်တ်စ် (Bill Gates) အား အမေရိကန် ပြည်ထောင်စု၏ အကြွယ်ဝဆုံး ပုဂ္ဂိုလ်အဖြစ် ၁၇ နှစ်ဆက်တိုက် သတ်မှတ်ခံရသည်။
ဘေးလ်ဂိတ်စ် (Bill Gates) နှင့် သူ၏ ငယ်သူငယ်ချင်း ပေါလ် အယ်လ္လဲန် (Paul Allen) တို့သည် ၁၉၇၅ ခုနှစ် ဧပြီလ (၄)ရက် (April 4, 1975)တွင် နယူး မက္ကဆီကို (New Mexico) ပြည်နယ်ရှိ အာလ်ဗူကေးရ်ကေး
(Albuquerque) တွင် မိုက်ကရိုဆော့ဖ်ထ် ကော်ပိုရေးရှင်း (Microsoft Corporation) အား စတင်တည်ထောင်ခဲ့သည်။
ဖော့ဗ်စ် မဂ္ဂဇင်းသည် (Forbes magazine) သူ၏ ဓနအင်အားအား ဒေါ်လာ ၅၄ ဘီလျံ (ပေါင် ၃၄.၅ ဘီလျံ) ဟု ဖော်ပြထားသည်။
ရင်းနှီးမြှုပ်နှံရေး ဆရာကြီးတစ်ဆူ (investment guru) ဖြစ်သော ဝါရဲန်း ဘတ်ဖက်ထ် (Warren Buffet) သည် ဒေါ်လာ ၄၅ ဘီလျံဖြင့် ဒုတိယလိုက်သည်။
ဖော့ဗ်စ် (Forbes) ၏ အမေရိကန် ပြည်ထေင်စုတွင် အချမ်းသာဆုံး စာရင်းဝင် ၄၀၀ တွင် ဆော့ဖ်ထ်ဝဲယားသူဋ္ဌေးကြီး (software tycoon) လယ်ရီ အဲလစ်ဆန် (Larry Ellison) သည် တတိယနေရာမှာ ရှိပြီး
ဝေါလ်မက် (Wal-Mart)အား အမွေဆက်ခံသူ ခရစ်စတီ ဝေါလ်တန် (Christy Walton) က စတုတ္ထလိုက်သည်။
ဖော့ဗ်စ် (Forbes) ၏ စာရင်းဝင်အဖြစ် ပါရှိရန် အနည်းဆုံး ဒေါ်လာ ၁ ဘီလျံ (billion) ($1,000,000,000=1x109) ချမ်းသာရမည် ဖြစ်ရာ ယင်းသတ်မှတ်ချက်မှာ ၂၀၀၉ ခုနှစ်တွင် သတ်မှတ်ထားသော ၉၅၀ မီလျံမှ တက်လာခြင်း ဖြစ်သည်။
ဘီလျံနာ (billionaire) ပေါင်း ၄၀၀ ၏ စုစုပေါင်း ကြွယ်ဝမှုမှာ ၂၀၀၉ ခုနှစ်မှာရှိသည်ထက် ၉ % တိုးတက်လာပြီး ဒေါ်လာ ၁.၃၇ တြီလျံ (trillion) ($ 1.37x1012) ဖြစ်လာသည်။
၎င်းငွေ ပမာဏမှာ စပိန်နိုင်ငံ သို့မဟုတ် ကနေဒါ၏ ပြည်တွင်းအသားတင် ကုန်ထုတ်လုပ်မှု တန်ဖိုး (GDP – gross domestic product) နှင့် အကြမ်းအားဖြင့် ညီမျှသည်။


Malefic-Benefic Planet & Human Being (ဂြိုဟ်ဆိုး၊ ဂြိုဟ်ကောင်း-လူဆိုး၊လူကောင်း)
ဗေဒင်ပညာတွင် ဂြိုဟ်တို့ အကြောင်းကို ပြောကြသော အခါ- စနေ၊ အင်္ဂါ ဆိုလျှင် ဂြိုဟ်ဆိုး၊ ကြာသပတေး၊ သောကြာ ဆိုလျှင် ဂြိုဟ်ကောင်းဟု ပြောကြ ဆိုကြ၊ သုံးသပ်ကြ သည်ကို နေရာတိုင်း လိုလိုတွင် တွေ့ရပါသည်။
၎င်းတို့သည် အမှန်တကယ်ကော- ထိုအတိုင်း ဂြိုဟ်ဆိုး၊ ဂြိုဟ်ကောင်း ဖြစ်ကြပါ၏လော။
လူတို့နှင့် လွန်စွာမှ ဝေးကွာလှ သည့် ကောင်းကင်တွင် တည်နေပြီး၊ မိမိကိုယ်တိုင် တစ်ခါမှ နီးနီးစပ်စပ် မဆက်ဆံဘူးသော ထိုဂြိုဟ်တို့ကို ဂြိုဟ်ဆိုး၊ ဂြိုဟ်ကောင်း ဟု မသတ်မှတ်ခင်- မိမိ နှင့် အမျိုးဇတ်တူချင်းလည်းဖြစ်၊ နေ့စဉ် နှင့် အမျှ တွေ့ကြုံ ဆက်ဆံ နေရသော သူများ ဖြစ်သော လူ အချင်းချင်း ကိုပင်လျှင်- လူဆိုး လူကောင်း သတ်မှတ် ရာတွင် မည်သည့် ဥပဒေသကို ကျွန်တော်တို့ အနေဖြင့် သုံးစွဲ နေကြ ပါသနည်း။
အကယ်၍ ကျွန်တော်တို့ လူအများစု သည်သာ- အမှန်တကယ် ကောင်းသောသူ၊ အစစ်အမှန် ဆိုးသောသူ၊ ယခု ကောင်း သော်လည်း နောင်ဆိုးမည့်သူ၊ ယခု ဆိုးသော်လည်း နောင် ကောင်းမည့်သူ၊ အပြင်ပန်း ကောင်းမွန်သော် လည်း အတွင်းသဘော ဆိုးသူ၊ အပြင်ပန်း ဆိုးသော်လည်း- အတွင်းသဘော ကောင်းမွန်သူ၊ အချို.နေရာများတွင် ကောင်း သော်လည်း အချို.နေရာ များတွင် ဆိုးသောသူ၊ ယခု အသုံးမကျဟု မြင်ရသော်လည်း အရေးကြုံ လာလျှင် သက်လုံ ကောင်းသည့်သူ- စသည်တို့ကိုသာ အမှန်တကယ် ဆန်းစစ် ဝေဘန် နိုင်ကြပါလျှင်- ချစ်သူ ကြင်ဘက် ရွေးချယ်ရာတွင် လည်းကောင်း၊ အပေါင်းအဖော် ရွေးချယ်ရာတွင် လည်းကောင်း၊ လုပ်ငန်း စပ်တူစပ်ဘက် ရွေးချယ်ရာတွင် လည်းကောင်း၊ ငွေချေးငှားရာတွင် လည်းကောင်း- ပြဿနာများ ပေါ်လာတော့မည် မဟုတ်ပါ။
အဘယ့်ကြောင့် ရွေးချယ်မှုများ မှားယွင်းနေကြပါသနည်း။ အောက်ပါတို့ကြောင့် ဖြစ်သည်။
- စရိုက် နှင့် စိတ်ဓါတ် ကွဲပြားမှုကို တစ်ခုချင်းစီ မဆန်းစစ်မိခြင်း။
- တစ်ဘက်သူ၏ စိတ်ဓါတ်အင်အား ခိုင်ခံ့မှုကို မသုံးသပ်မိခြင်း။
- အခြေအနေ တို့၏ တွန်းပို့ပေးတတ်သော သဘောကို နားမလည်ပဲ- ဤသူအား လူကောင်း၊ ဤသူအား လူဆိုးဟု ပုံသေ အမြဲယူဆထားမိတတ်ခြင်း။
ကျွန်တော်တို့ ငယ်ရွယ်စဉ်က- ကာတွန်းစာအုပ် ဖတ်သော အခါများ၊ ရုင်ရှင် ကြည့်သော အခါများတွင်- ဘယ်သူက လူဆိုးကြီး၊ ဘယ်သူက ဇတ်လိုက်၊ ဘယ်သူက လူကောင်း စသည် ဖြင့်- မိမိတို့ နားလည် သလို သတ်မှတ်ကာ၊ ဇာတ်လိုက်ကို အားပေး၊ လူဆိုးကို မုန်းတီး စသည်ဖြင့် ရုပ်ရှင်နှင့် စာအုပ်တို့၏ ရဿ ကို ခံစားခဲ့ကြပါသည်။
တကယ်ပဲ- အပြင်မှာ လူဆိုး၊ လူကောင်း၊ ဤသို့ ကွဲပြားနေကြပါသလား။
လူကောင်းသည် အမြဲတမ်း ကောင်းနေပြီး၊ လူဆိုးသည်ကော အမြဲတမ်း ဆိုးနေပါသလား။
ခရဇ်တော် မပေါ်မီ အနှစ် (၄၀၀) ခန့်က- ပေါ်ထွန်းခဲ့သော ဂရိ အတွေးအခေါ် ပညာရှင်ကြီး ဆိုကရေးတီး အကြောင်းမှ စတင်ပါရစေ။
ဆိုကရေးတီး သည် လွန်စွာ ထူးချွန်သော အတွေးအခေါ် ပညာရှင်ကြီး ဖြစ်သဖြင့်- ပညာ ဆည်းပူးလိုသူ တပည့်များစွာသည် သူ့ထံတွင် ကျောင်းအိပ်ကျောင်းစား ဖြင့် ပညာသင်ယူ ခဲ့ကြပါသည်။
တစ်နေ့တွင် ဂျစ်ပဆီ ဗေဒင် ဆရာမ တစ်ယောက်သည် ဆရာကြီး စာသင်ကျောင်း အနားသို့ ရောက်လာသဖြင့် တပည့်တို့သည် ထို ဗေဒင် ဆရာမ ထံတွင် တစ်ယောက် တစ်လှည့် ဗေဒင် ကြည့်နေ ခဲ့ကြသည်။ ဆရာကြီးသည် ကျောင်းသားများ စုရုံးနေရာသို့ ရောက်ရှိလာရာ- ကျောင်းသား တို့က ဆရာကြီးအားလည်း ထိုဆရာမ ထံတွင် ဗေဒင် ကြည့်ရန် တောင်းဆို သဖြင့် ဆရာကြီးလည်း ဗေဒင် ကြည့်သည် ဟုဆိုပါသည်။ ထိုအခါ-ဂျစ်ပဆီ ဆရာမ က ဆရာကြီး၏ လက္ခဏာနှင့် ဇာတာအား ကြည့်ပြီး- “သင်သည်-လွန်စွာမှ ရမ္မက်ကြူးသူ ဖြစ်သည်။ လွန်စွာ ရာဂ ကြီးသူ ဖြစ်သည်။ လွန်စွာမှ အစားအသောက်၊ အအိပ် ကြူးလွန်သူ ဖြစ်သည် ဟု ဟောချ လိုက်ပါသည်။” ဆရာကြီး၏ ဖြူစင်သော သီလ၊ သန့်စင်သော အနေ အထိုင်၊ ခြိုးခြံသော အအိပ် အစားကို သိထားကြသူ တပည့် အများသည် “ဟာ-ဆရာမ ဟောတာ မှားနေပြီ၊ ဆရာကြီး ဘယ်လောက် မြင့်မြတ်သည်ကို ကျွန်တော်တို့ အားလုံး သိကြ ပါတယ်။” ဟု တစ်ပြိုင်တည်း ငြင်းဆိုကြပါတော့သည်။ သို့သော်- ဆရာကြီးကမူ- “ဆရာမ ဟောတာ အလွန်မှန်ပါတယ်။ အတိအကျကို မှန်ပါတယ်၊ ကျွန်တော်ဟာ ဆရာမ ပြောတဲ့ အတိုင်း၊ ရမ္မက်ကြူးသူ၊ ရာဂကြီးသူ၊ အစား၊ အအိပ်ကြူးသူ ဖြစ်ပါသည်။” ဟု ဆိုလိုက်ရာ- တပည့်များအနေဖြင့် “မဟုတ်တာ ဆရာကြီးရယ်၊ ဆရာကြီးရဲ့ ကိုယ်ကျင့်တရား အင်မတန် မြင့်မြတ်တာ၊ ဆရာကြီး အစားအအိပ် အလွန်နည်းတာကို ကျွန်တော့်တို့ အားလုံး အသိပဲလေ၊ ဘယ်မှာ မှန်လို့လဲ” ဟု မကျေမနပ် ဆိုကြပါသည်။
ဤအခါတွင် ဆရာကြီးမှ- “ငါ့တပည့်တို့-ဆရာမ ပြောတဲ့ အချက်တွေဟာ၊ ဆရာကြီးရဲ. အတွင်း သဏ္ဍာန်မှာ အမှန်ရှိနေတဲ့ စိတ်တွေ ဖြစ်ပါတယ်။ ဒါပေမယ့် ပညာ၊ အသိဥာဏ် ဆိုတဲ့ ထိမ်းချုပ် နိုင်စွမ်းအားကြောင့် မင်းတို့ အခုလို သိထားကြတဲ့- ကိုယ်ကျင့်တရား ကောင်းမွန်တဲ့၊ တဏှာ ရာဂ နည်းပါးတဲ့၊ အအိပ်အစား ချိုးခြံတဲ့ ဆရာကြီး အနေနဲ့ မင်းတို့က ငါ့ကို မြင်နေ ရတာပါ။ ဆရာမ ပြောတဲ့ မကောင်းတဲ့ စိတ်တွေ အားလုံးဟာ ငါ့ရင်ထဲမှာ-ပင်ကိုယ်သဘာဝ အနေနဲ့ ရှိနေပါတယ်” ဟု ပြောပြခဲ့သည် ဟု ကြားဘူးပါသည်။
ဤသည်မှာ- မိမိ၏ အတွင်းစိတ်-အရှိကို အရှိအတိုင်း မြင်နိုင်ရုံသာမက-မှန်ကန်စွာ ၀န်ခံသော ဆရာကြီး၏ စိတ်ဓါတ်နှင့် ဂုဏ်သိက္ခာမှာ လွန်စွာ လေးစားစရာ ကောင်းလှပါသည်။
ပုထုဇဉ် လူသားတို့တွင်- လောဘ၊ ဒေါသ၊ မောဟ၊ တဏှာ၊ ကိလေသာ မီးများ မငြိမ်းကြသေး သဖြင့် ထိုသို့သော မကောင်းသည့် စိတ်များ သည် လူတိုင်းတွင် ရှိကြပါသည်။
သို့သော်-ဥာဏ်ပညာ ကြီးသော၊ ခိုင်ခံ့သော စိတ်ရှိသူများသည် ထိုကဲ့သို့သော လောဘ၊ ဒေါသ၊ မောဟ၊ တဏှာ၊ ကိလေသာ တို့ကို အကောင် အထည် ဖေါ်ဆောင်ရွက် သည့် အဆင့် အထိ မရောက်သွားရန် ထိန်းချုပ်နိုင်ခြင်း ကြောင့်- ၄င်းတို့ကို ပညာရှိ သူတော်ကောင်း အနေဖြင့် မြင်တွေ. ကြရ ပါသည်။
စိတ်ဓါတ် အင်အားနည်းသူ၊ ပါတ်ဝန်းကျင် မကောင်းသော အခြေအနေ တို့တွင် ကြီးပြင်း လာရသူ၊ ဆရာကောင်း သမားကောင်းများနှင့် ဆုံစည်းခွင့်မရသူ၊ ထိုသို့သော စိတ်ဆိုး၊ စိတ်ရိုင်း များကို မပြုပြင်၊ မထိမ်းသိမ်းနိုင်ခြင်းကြောင့် - ရာဇ၀တ်ကောင်များ၊ လူဆိုးများဟု အများက သတ်မှတ်ထားခြင်း ခံထားရပါသည်။
ဤသည်မှာ လူတစ်ယောက် အနေဖြင့် ကောင်းသည် ဆိုးသည်မှာ မကောင်းမှု၊ အဆိုးဓါတ် ကို ထိန်းချုပ် နိုင်စွမ်းရှိမရှိ ပေါ်တွင် တည်နေခြင်းကို ဆိုလိုနေပါသည်။
ထို့ကြောင့်- လူအများစုအနေဖြင့် အခြားလူတစ်ယောက်၏ ဗဟိဒ္ဓစရိုက် သွင်ပြင်ကိုသာ လေ့လာ၍- ဤသူကား လူဆိုး၊ ဤသူကား လူကောင်း ဟူ၍ သတ်မှတ် ကြမည် ဆိုလျှင် မှန်ကန် သဘာဝကျ ပါမည်လား။
ဦးစွာ- စရိုက်ဆိုးခြင်း၊ နှင့် စိတ်ဓါတ် ဆိုးခြင်းကို ခွဲခြားစွာ ပြောရပါမည်။
အချို.သည်- ဖြူစင်သော စိတ်ရင်းကောင်းများ ရှိသော်လည်း- အပြုအမူ၊ အပြော အဆို တိုတောင်း မှုကြောင့်- အပြောဆိုးသူ၊ ရိုင်းပြသူ အဖြစ် သတ်မှတ်ခြင်း ခံရကာ ဝေးဝေးမှ ရှောင်ရှား ခံကြရပြီး၊ အချို.မှာလည်း မိမိသူငယ်ချင်း အတွက် ဖြစ်စေ၊ အမြင်မတော်သော ကိစ္စများနှင့် ပါတ်သက်၍ ဖြစ်စေ၊ ကိုယ်နှင့် မဆိုင်သော ကိစ္စများတွင် ပါဝင်၍ ခိုက်ရန် ဖြစ်မိခြင်း ကြောင့် အချုပ်ကျ၊ ထောင်ကျ အပြစ်ဒဏ် ခံကြရတတ်သည်။ ထိုသူများကို လူဆိုးဟု သတ်မှတ်ကြမည် ဆိုလျှင်- မိမိကိုယ်မိမိ သပ်သပ် ရပ်ရပ် ၀တ်စား ဆင်ယင်ပြီး၊ လူကြည်ညိုအောင် နေသော်လည်း- မည်သူ တစ်ဦး၏ အကျိုးကိုမှ စေတနာမှန် ဖြင့် ကူညီ ဆောင်ရွက်ပေးခြင်း မရှိပဲ၊ တနည်းအားဖြင့် မျက်စိရှေ.တွင် မြင်နေရသော မတရားမှု များတွင် “ငါ နှင့် မဆိုင်” ဟု ဘယ်သူ သေသေ၊ ငတေမာ ပြီးရော ဆိုသော စိတ်ဓါတ် ရှိသူများကို လူကောင်းဟု သတ်မှတ် နိုင်ပါမည်လား။
မြတ်စွာ ဘုရားရှင် သက်တော်ထင်ရှား ရှိစဉ်ကာလ က- အခြားသူအား စကား စပြောလျှင်- “ဟဲ့- သူယုတ်မာ” ဟု စတင် ခေါ်တတ်သည့် အကျင့်ရှိသည့် ရဟန္တာ မထေရ် တစ်ပါး ရှိသည်ကို ဖတ်ဘူး ပါသည်။ ကိလေသာ ကင်းစင်သော ရဟန္တာ ဖြစ်၍- စိတ်ဓါတ်ပိုင်း ဆိုင်ရာနှင့် ပါတ်သက်၍ ပြောစရာ ရှိမည် မထင်ပါ။
ဤသည်မှာ- စရိုက် နှင့် စိတ်ဓါတ် ခွဲခြား သုံးသပ်နိုင် ဘို့ စဉ်းစား နိုင်ရန် ဖြစ်သည်။
မြန်မာ ရာဇ၀င်တွင် ထင်ရှားသည့် စစ်သူကြီး မဟာဗန္ဓူလ ဖြစ်လာမည့် မောင်ရစ်သည်- ဒီပဲရင်း ဒေသ၊ ၄င်းမွေးရာ ဇာတိတွင်- နေရာတကာ ရန်ဖြစ်၊ မူးလျှင် သွေးဆိုးတတ်သော သူဟု ငယ်ပေါင်းများက အသိအမှတ် ပြုထားရသူဖြစ်သည်။
ကမ္ဘာပေါ်တွင် လူပေါင်းများစွာ၏ အသက်၊ အိုးအိမ်ကို ပျက်စီးစေရန်- စစ်ကြီးများကို ဖန်တီး ခဲ့သူတို့သည်- ဂုဏ်သရေရှိ၊ ပညာတတ် ချမ်းသာ၍ လူကြီး လူကောင်းများ အဖြစ် အများက အသိအမှတ် ပြုခံထား ရသူများ ဖြစ်သည်။
အေးဆေးစွာ နေထိုင်၍ ပညာတတ် တစ်ယောက် အဖြစ်ရောက်ရှိသော်လည်း- မိမိကိုယ် တစ်ဦး တစ်ယောက်၏ ဘ၀ ရပ်တည်မှု ကိုသာ အာရုံစိုက်သော မိမိအတွက် အကျိုးမရှိလျှင်၊ တနည်း အားဖြင့် မိမိ၏ အကျိုးစီးပွားကို မထိခိုက်သေးသရွေ.၊ အားလုံးကို လျစ်လျူရှုတတ်ပြီး အခြားသူများ၏ အခက် အခဲကို ကူညီ ပေးလိုစိတ် မရှိသော သူများကိုမူ နေရာတိုင်းတွင် တွေ့နိုင် ပါသည်။
ဆိုးပေ ကြမ်းတမ်းသော လူသတ်သမား တစ်ယောက်သည် လူအရေအတွက် ရာဂဏန်းမျှ ကိုသာ အလွန်ဆုံး သတ်ဖြတ်နိုင် မည်ဖြစ်သော်လည်း၊ ပြုံးရွှင် ချိုသာသော ဂုဏ်ကြီးရှင် ရာထူး ကြီးမားသော လူကြီး လူကောင်း ဆိုသူများသည် လူအရေ အတွက် သိန်းသန်း နှင့် ချီ၍ တိုက်ရိုက် သော် လည်းကောင်း၊ သွယ်ဝိုက်၍သော် လည်းကောင်း သတ်ဖြတ် နိုင်ခဲ့ကြ ပါသည်။ ဆက်လက်၍ လည်း လုပ်ဆောင်နေကြဆဲ ဖြစ်ပါသည်။
သို့ဆိုလျှင်- သူတို့သည် လူကောင်း ဖြစ်ကြ ပါ၏လော။
မြတ်စွာ ဘုရားကို နည်းမျိုးစုံဖြင့် လုပ်ကြံနိုင်ရန် ကြံစည် အားထုတ်သူ၊ သံဃာ သင်းခွဲသူ ဒေ၀ဒတ် သည်- ဒေ၀ဒဟ ပြည်၏ နန်းညွှန့် နန်းလျာ မင်းသားလည်းဖြစ်၊ ဘုရားနှင့် ညီအကို ၀မ်းကွဲ တော်သူလည်း ဖြစ်၊ ယောက်ဖတော်သူလည်း ဖြစ်၏။ မိမိ၏ တန်ခိုး အစွမ်းကို ပြသပြီး အဇာတသတ် မင်းသားငယ် ထံမှ လာဘ် လာဘများကို ဇိမ်ကျကျ စားသောက် နေသဖြင့် မြတ်စွာ ဘုရားမှ- ၄င်းအား “ငါဘုရားတွင် သာရိ ပုတ္တရာ၊ မောဂ္ဂလာန် စသော လက်ဝဲတော်ရံ၊ လက်ယျာ တော်ရံ သံဃာများ ရှိနေလျှက်- သင့်ကဲ့သို့ အများတံထွေးကို စားသူအား မည်သို့ ကြောင့် သံဃာကို အပ်ရပါမည်နည်း” ဟု ပြင်းထန်စွာ မိန့်ဆိုသော အခါတွင်- မြတ်စွာဘုရား ရိုသေစွာ လက်ယျာရစ် သုံးပါတ် ပါတ်ပြီးမှ ယဉ်ကျေးစွာ ပြန်ထွက်သွားကို ဒေ၀ဒတ်ကို လူကောင်းဟု ဆိုနိုင် ပါမည်လား။
ဤသည်မှာ- စရိုက်နှင့် စိတ်ဓါတ် ကွာခြားမှုပင် ဖြစ်သည်။
တစ်ဘက်တွင် ဂုဏ်သရေရှိ ဘုရား လူကြီး အမည်ခံ၍- ရပ်ရွာတွင် သြဇာညောင်း သော်လည်း မိမိ၏ လိုဘ ပြည့်ရေး အတွက်- လိုအပ်လျှင် လိုအပ်သလို- လာဘ်စားရန်၊ အကျင့်ပျက်ရန်၊ မိမိနှင့် မသင့်မြတ်သူများကို ချောက်ချရန်၊ ဖောက်ပြန်ရန် ၀န်မလေး သော လူကြီး၊ လူကောင်း ဆိုသူတို့နှင့် ထမီစုတ် ခိုးသူ - သူခိုးတို့ မည်သူက ပိုသာမည် ထင်ပါသနည်း။
လက်မရွံ. လူမိုက် ဆိုသော လူတစ်ယောက်နှင့်- အဆင့်မြင့် လူဂုဏ်တံ တစ်ယောက် တို့ မည်သူက ပို၍ လူ့ဘောင်လောက ကို ဒုက္ခပေးနိုင်ပါသနည်း။
အားငယ်စိတ် နှင့် အခြေအနေ ပါတ်ဝန်းကျင်-
ဆရာကြီး ပီမိုးနင်း အနေဖြင့် လူတို့၏ သိမ်ငယ်စိတ် အကြောင်းကို ရေးသားခဲ့ဘူးပါသည်။ လူတိုင်းတွင် သိမ်ငယ်စိတ် ရှိကြသည်။ ထို့စိတ်ကြောင့် ပင်- ထိုသိမ်ငယ်စိတ်ကို ကာကွယ် ဖုံးအုပ်ရန် အတွက် မာန ကိုမွေးယင်း- အတ္တတို့ ကြီးထွား လာကြသည်။ ဥစ္စာရှိသူက ဥစ္စာမာန ဖြင့် ထောင်လွှား၍ ၄င်း၏ သိမ်ငယ်စိတ်ကို ကာကွယ်နေစဉ်တွင်- ဥစ္စာမရှိသူ ကလည်း- “သူ့မှာ ပိုက်ဆံ ရှိတာ၊ ငါက ဘာလို့ ဂရုစိုက်မှာလဲ” ဟု မိမိ၏ သိမ်ငယ် စိတ်ကို ပြန်လည် ကာကွယ်ယင်း- မရှိမာန ဖြစ်တည် လာရသည်။
ဆီးသီးသည် မဗျိုင်းသည် မိမိ အနေဖြင့် ဆီးသီးသည် ဘ၀မှ ဘုရင့် မိဖုရား အဖြစ်ရောက်ခဲ့ ပြီးနောက် ဆီးသီးကိုပင် မမြင်ဘူးချင်ယောင် ဆောင်ခဲ့ ရသည်မှာ နုံချာသော ခဲ့သော မိမိ၏ အတိတ် ဘ၀ကို အခြားသူများ သိသွားမှာ စိုးသော သိမ်ငယ် စိတ်ကြောင့် ဖြစ်၏။
တစ်ချိန်က မြန်မာပြည်တွင် ထင်ရှားခဲ့သော လူမိုက်ဂိုဏ်း ခေါင်းဆောင် လမ်းမတော် ဖိုးတုတ်သည်- ထိုသို့ အနေအထား မရောက်မီက-လွန်စွာ ကြောက်တတ်သော လူတော မတိုး သည့် ဘုန်းကြီးကျောင်းသား တစ်ဦး အဖြစ်ဖြင့် သရက်တော ကျောင်းတိုက်တွင် ကြီးပြင်း လာခဲ့သူ ဖြစ်ပါ၏။
ဤအချက်မှာ- အားငယ်မှုကြောင့်- ဖြစ်လာတတ်သော နောက်ဆက်တွဲ စိတ်ဓါတ်များ ဖြစ်ပါ၏။
ဘုရား အလောင်းတော် ကဲ့သို့ မြင့်မြတ်သော မဟာလူသား တို့တွင်မူ- လူသာမာန် တို့ကဲ့သို့ သိမ်ငယ် စိတ် မရှိ၊ ထို့ကြောင့်လည်း- မိမိအသက်အား ရန်ရှာသူကိုပင် ခွင့်လွှတ်နိုင်ကြသည်။ မိမိက တစ်ဘက်သူအား အနိုင်ရသော အခါ - ထိုသူအား အဆုံးစီရင်ခြင်းသည် ထိုသူကို ကြောက်၍ ဖြစ်သည်ကို စိတ်ပညာရှင်များ နားလည်ပါသည်။
မိမိ၏ အသက်ကို ချမ်းသာရန် အတွက်- အရှက်ကင်းမဲ့စွာ တောင်းပန် တိုးလျှိုး ရမှာ ၀န်မလေးသူသည်- အနိုင်ရသော အခါ တစ်ဘက်သူအား သတ်ပစ်ရန် ၀န်မလေးတတ်။
မိမိတွင် ငွေကြေးမရှိခင်က ငွေကြေးမရှိသူများကို အထင်ကြီး၊ တိုးလျှိုးတောင်းပန် တတ်သူသည် ငွေကြေး ပြည့်စုံသွားသော အခါ ယခင် က မိမိ အနေအထားတွင် ရှိသောသူ တို့ အပေါ်တွင် အထင်သေး၊ ရှုံ.ချ၍၊ ငွေဂုဏ်မောက် တတ်သည်မှာ- ၄င်း၏ ဟဒယ နှလုံးဓါတ် သည် နုနယ်၍- ငွေကြေးဟူသော ဗဟိဒ္ဓတရား၏ လွှမ်းမှုဒဏ်ကို မတောင့်ခံ နိုင်သောကြောင့် ဖြစ်သည်။
ဤသည်မှာ အကြောက်တရား၊ သိမ်ငယ်မှုကြောင့် ဖြစ်လာသော စိတ်ဓါတ် တို့ ဖြစ်သည်။
စရိုက်သည်- အထုံအဖြစ်ဖြင့် ပါလာသော အရာဖြစ်၍- အလွယ်တကူ စွန့်ပစ်ရန် မလွယ်။ အခြားတစ်ဘက်တွင် ပင်ကိုယ် စိတ်ဓါတ် အားဖြင့်- အားငယ်သူ၊ ကြောက်တတ်သူ၊ မိမိကိုယ် မိမိ အလွန် ချစ်တတ်သူ တို့သည်- အခြေအနေ တစ်ခုသို့ ရောက်သွားသော အခါ မိမိ၏ အသက်ရှင်သန် ရေးအတွက် သော်လည်းကောင်း၊ မိမိ၏ ဂုဏ်သိက္ခာ မဆုံးရှုံး စေရေး အတွက် လည်းကောင်း၊ ယုတ်မာ ကြသူများ ဖြစ်သွား တတ်ပါ၏။ ထိုသူသည် ပညာတတ်သူ သော်လည်းကောင်း၊ ဥစ္စာရှိသူ သော်လည်းကောင်း၊ ဆွေဂုဏ် မျိုးဂုဏ် ကြီးမားသူ လည်းကောင်း၊ မည်သူ မဆို ဖြစ်နိုင် ပါသည်။ ပင်ကိုယ် ခိုင်မာသည့် စိတ်မရှိပဲ- ချစ်ခြင်း၊ ကြောက်ခြင်း၊ တွေဝေ ခြင်း (အားငယ်စိတ် ၏ နောက်ဆက်တွဲ) တို့ကြောင့်- အခြေအနေ တစ်ခုတွင် ဆိုးရွားယုတ်မာ သောသူ အဖြစ်ပြောင်း သွားနိုင်သော်လည်း- စရိုက်ကောင်းသူ ဖြစ်လျှင်- ထိုသူ ဆိုးသည် ကိုပင် ပါတ်ဝန်းကျင်က ဆိုးသူဟု မမြင်သိနိုင်ပါ။
တကယ့် အပြင်လောကတွင် လူဆိုးနှင့် လူကောင်းသည် ရုပ်ရှင်ထဲ၊ စာအုပ်ထဲ မှာလို အလွယ်တကူ ကွဲပြား မနေပါ။
အဘယ့်ကြောင့် ဆိုသော် ကောင်းသော စိတ်ဓါတ်များ ဖြစ်သည့်- မတရားမှုကို မုန်းတီးခြင်း၊ အားနည်းသည့် ဘက်မှ ရပ်တည်ခြင်း၊ သနားခြင်း၊ စသော စိတ်ဓါတ် တို့သည်လည်း လူဆိုးဟု သတ်မှတ် ထားသော သူများတွင် ရှိနေကြသလို- ဆိုးညစ် ယုတ်မာသော၊ တစ်ကိုယ်ကောင်း ဆန်သော၊ မနာလို ၀န်တိုသော ဣသာ မစ္ဆိရိယ၊ ဆိုသော စိတ်ဓါတ် များသည်လည်း လူကောင်းဟု သတ်မှတ်ခြင်း ခံထားရသော သူများတွင် ရှိနေသောကြောင့် ဖြစ်သည်။
ဒုတိယ ကမ္ဘာစစ်အတွင်းက အင်မတန် ရက်စက်ကြမ်းကြုတ်သည်ဟု ထင်ရှားသော နာဇီ အရာရှိကြီး အချို.ကို လုပ်ကြံရန် အတွက်- မဟာမိတ် သူလျှိုမယ် တို့သည် ယုံကြည်ခြင်း ခံရသော အတွင်းစည်း အနေအထားကို ရောက်ခဲ့ပြီးမှ- ထိုသူတို့တွင် လူကြီးလူကောင်း ဆန်သော၊ လက်အောက် ငယ်သား အပေါ် ယုံကြည်သော စိတ်ဓါတ်များကို တွေ့ရခြင်းကြောင့် ထိုသူတို့အား လုပ်ကြံရန် အတွက် မလုပ်ရက် နိုင်ခဲ့ကြသော သူလျှိုတို့၏ အကြောင်းကို ကြားဖူး ပါသည်။
အထက်ပါ ရှင်းပြချက်တို့ကို အနှစ်ချုပ်လိုက်လျှင် အောက်ပါ အချက် (၃) ချက်ကို ရပါမည်။
(၁) စရိုက်ဆိုးတိုင်း၊ စိတ်ဓါတ် မဆိုးသလို၊ စရိုက်ကောင်းတိုင်းလည်း စိတ်ဓါတ် မကောင်းပါ။
(၂) လူကောင်း ဖြစ်သည် ဟု သတ်မှတ်ထားခြင်း ခံထားရသူများ တွင်လည်း- သဘာဝ အတိုင်း လောဘ၊ ဒေါသ၊ မောဟ၊ အတ္တ၊ မာန၊ အကြောက်တရား တို့ရှိနေခြင်းကြောင့် ထိုသူ အချို.တို့သည်လည်း ခိုင်မာ တောင့်တင်းသော စိတ်ဓါတ် အခံ မှန် မရှိခဲ့လျှင်- အခြေအနေ၊ ပါတ်ဝန်းကျင်၊ တို့မှ တွန်းပို့သော အခါ လူ့ဘောင် လောကကို ဖျက်ဆီးသူ များ အဖြစ်သို့ ရောက်သွား နိုင်သကဲ့သို့၊ လူဆိုးဖြစ်သည် ဟုသတ်မှတ် ထားခြင်း ခံထားရသူ တို့သည်လည်း အကြောင်း တိုက်ဆိုင်သောအခါ- မြင့်မြတ်သော လုပ်ရပ်များကို လုပ်ဆောင်ပေး တတ်သော ကြောင့် ဖြစ်သည်။
အကောင်းထဲတွင် အဆိုးရှိပြီး၊ အဆိုးထဲတွင် အကောင်းရှိသည်။ အပူထဲတွင် အအေးရှိပြီး၊ အအေးထဲတွင် အပူရှိသည်။ အမှောင်ထဲတွင် အလင်းရှိပြီး၊ အလင်းထဲတွင် အမှောင်ရှိသည် ကို ဖုန်းရွှေပညာ နှင့် အာယုဗ္ဗေဒ ပညာများက အသုံးချ ထားပါသည်။
(၃) မိမိကိုယ်တိုင်၏ ဓါတ်ခံ အင်အား နည်းပါးမှုသည် ပါတ်ဝန်းကျင်လွှမ်းမိုးမှုတို့ကို မကာကွယ် မတားဆီးနိုင်ခံလျှင် ဖြစ်စေ၊ ထိန်းချုပ်နိုင်သော ဓါတ်တို့၏ အထောက်အပံ့ကို မရရှိခဲ့လျှင် ဖြစ်စေ- ကောင်းသည်ဟု သာမာန် အားဖြင့် သတ်မှတ်ထားသော လူအချို.သည် အခြေအနေ တို့က တွန်းပို့လာသော အခါ မထင်မှတ်ဘွယ် ဆိုးယုတ် သွားနိုင်ပါသည်။
လူအကြောင်း နားလည်လျှင်- ဂြိုဟ်အကြောင်းလည်း နားလည်နိုင်ပါသည်။
အဘယ့်ကြောင့် ဆိုသော်- အရာအားလုံးသည် လောက၏ နိယာမကို မဆန့်ကျင်သောကြောင့် ဖြစ်၏။
ရာဟုဂြိုဟ်၊ ကိတ်ဂြိုဟ်၊ စနေဂြိုဟ်၊ အင်္ဂါ ဂြိုဟ်တို့သည် ကျွန်တော်တို့ ဗေဒင်ဆရာများ၏ စွဲချက်တင် အပြစ်ဖို့ခြင်း ဒဏ်ကို တစ်သတ်မတ်တည်း အမြဲ ခံနေရသော ဂြိုဟ်များ ဖြစ်ကြ ရရှာ သည်။ ထိုဂြိုဟ်များ ဒဿာ စားနေချိန်၊ ထိုဂြိုဟ်များ၏ အမြင်ကို အခြားသော ဂြိုဟ်များ၊ ဘာဝများ ခံစားရချိန်တွင် အဆိုးကိစ္စများကို ဟောရန် ကျွန်တော့်တို့က ကြိုးစားမိပါ တော့သည်။
၎င်းတို့သည် စရိုက်ဆိုးပါ၏။ သို့သော် ထိုတစ်ချက်တည်းဖြင့် တော့ ဂြိုဟ်ဆိုးဟု အပြော ခံရခြင်းမှာ သိပ်တော့ မတရား လှပါပေ။ တစ်ဘက်စီးနင်း ဆန်လွန်းလှ၏။
ကြာသပတေး၊ သောကြာ စသော ဂြိုဟ်များ ဒဿာ စီးနေချိန်၊ ထိုဂြိုဟ်များ၏ အမြင်များကို ရထား ချိန်တွင် ကျွန်တော်တို့ ဗေဒင်ဆရာများ က အကောင်းပြောဘို့ ပြင်တော့သည်။ အဘယ့်ကြောင့် ဆိုသော် ထိုဂြိုဟ်တို့သည် ပင်ကိုယ် စရိုက်ကောင်းသော ဂြိုဟ်များ၊ တနည်း အားဖြင့် သဘာဝ သောမ ဂြိုဟ်များ ဖြစ်သောကြောင့် ဖြစ်၏။
ရှေးကျမ်းမြတ် တို့သည်- အထက်တွင် ဖေါ်ပြခဲ့သည့် အတိုင်း- သဘာဝ ပါပ ဂြိုဟ်၊ သဘာဝ သောမ ဂြိုဟ်တို့ကို သတ်မှတ် ပေးခဲ့သော်လည်း- ဥာဏ်ပညာ ကြီးသူတို့ အနေဖြင့်- ဂြိုဟ်တို့၏ သဘော သဘာဝကို နားလည်စေရန် သဲလွန်စ ချန်ထားပေးခဲ့သည်။
ထိုသဲလွန်စသည်ကား- တနင်္လာ ဂြိုဟ်နှင့် ဗုဒ္ဓဟူးဂြိုဟ် တို့ဖြစ်၏။
တနင်္လာ ဂြိုဟ်နှင့် ဗုဒ္ဓဟူးဂြိုဟ်တို့မှာမူ- ဒြဗ်ထုထည် အရလည်း သေးငယ်- မကြာခဏ နေနှင့် နီးစပ်သွား၍ အင်အားတောက်ပမှု နည်းခြင်း ကြောင့် ၄င်းတို့သည် ပုံမှန် အားဖြင့် ကိုယ်ပိုင် ဓါတ်အင်အား နည်းပါးသော ဂြိုဟ်များ ဖြစ်၏။ ထို့ကြောင့် ထိုဂြိုဟ်တို့ အနေဖြင့် ရောက်တည် ရာ နေရာ အရလည်း ထပ်မံ၍ အင်အားနည်းနေ ပြီး၊ မကောင်းသော အခြားသော ဂြိုဟ်များ၏ လွှမ်းမိုးမှု ရှိပါမူ- ထိုသူတို့သည် ဂြိုဟ်ဆိုးသဘွယ် ပြုမူတော့၏။
နက္ခတ် ပညာတွင် ကြာသပတေးကို အထူးအကောင်း ပြော၏။ အဘယ့်ကြောင့် ဆိုသော် ၄င်းတာဝန် ယူထားသည်မှာ ပညာနှင့် အသိဥာဏ် ဖြစ်ရုံမျှ မက- ဂြိုဟ် ကိုယ်၌အားဖြင့် ထုတည် အရွယ်အစားကြီးမား၏။ တစ်နှစ်လျှင် တစ်ရာသီ နှုန်းဖြင့် ဖြေးညှင်းစွာ ဖြတ်သန်း၏။ ထို့ကြောင့် ပုံမှန် အားဖြင့်၊ များသော အားဖြင့် ကြာသပတေးသည် ဂြိုဟ်ကောင်း ဟု သတ်မှတ် နိုင်သော်- အချို.သူများ၏ ဇာတာတွင် ကြာသပတေးသည် အင်အားနည်းပါး သော အနေအထား တွင် တည်ရှိနေလျှင်- ၄င်းအား တိုက်ရိုက် အားဖြင့် သော်လည်းကောင်း၊ သွယ်ဝိုက် အားဖြင့် သော်လည်းကောင်း ဂြိုဟ်ဆိုးများ၏ လွှမ်းမိုးမှု၊ ပါတ်သက်မှုများ နက်ရှိုင်းစွာ ရှိနေလျှင် ထိုကြာသပတေး ကိုယ်တိုင်ပင် ထိုဇာတာရှင် များအတွင် ဂြိုဟ်ဆိုး ဖြစ်သွားတတ်၏။ သို့သော် စရိုက်ကောင်းသော (တစ်နည်းအား ဖြင့် ပညာတတ် လူကြီး လူကောင်း တို့ နှင့် ဥပမာပေးရပါမည်။) ဂြိုဟ်ဖြစ်သဖြင့်- ၄င်း၏ လွှမ်းမိုး ဖျက်ဆီးမှုသည် စရိုက်ကြမ်းသော ဂြိုဟ်များ ဖျက်ဆီးပုံနှင့် မတူသည်ကို သတိပြုရပါမည်။
ထို့ကြောင့်လည်း- လူတို့ နည်းတူပင်- ဂြိုဟ်တို့မှာ-
- မူရင်း စရိုက် နှင့် သဘာဝ အရ ကွဲပြားမှုရှိသည်။
- ဂြိုဟ်တစ်လုံးစီ၏ မူလ သဘာဝ အင်အား ခိုင်ခံ့မှု အရကွဲပြားမှု ရှိသည်။
- အခြေအနေ၊ အချိန်အခါ ဆိုသော ကောဇာ အနေအထား တို့၏ တွန်းပို့ ပေးမှုကြောင့် အကောင်း အဆိုး ပြောင်းတတ်သော သဘောရှိသည်။
ထိုဂြိုဟ်တို့၏ လွှမ်းမိုးမှု မိမိအပေါ်တွင် ရိုက်ခတ် သက်ရောက်တတ်သော အနေအထားမှာ-
မူလ ဇာတာအရ-
- ဂြိုဟ်တစ်လုံးစီ အင်အား ခိုင်ခံ့မှု
- ထိုဂြိုဟ်တို့သည် မိမိနှင့် သက်ဆိုင်သော အခြား ဂြိုဟ်တို့နှင့်၊ သက်ဆိုင်ရာ အတန့် ဘာဝ တို့အပေါ်တွင် မည်မျှ အင်အားနှင့် လွှမ်းမိုးထားမှု၊
တို့အပေါ်တွင် မူတည်နေသည်။
မြန်မာ စကားလုံး “အင်အား” ဆိုသည်မှာ- အဓိပ္ပါယ်ရောထွေးနိုင်သော စကားလုံး ဖြစ်သောကြောင့်- နက္ခတ်ပညာကို လေ့လာသူ အများစုတို့သည်- ကျမ်းတို့က ဆိုလိုသော အင်အားကို ရောထွေးစွာ နားလည်သွားတတ်ကြသည်။ ထို့ကြောင့် လည်း- မကောင်းသော စနေ၊ အင်္ဂါတို့ အင်အားနည်းလေ ကောင်းလေ ဟူ၍ လည်းကောင်း၊ မကောင်း သော ဒုဌာန ဘာဝ အိမ်ရှင်တို့ (၆-တန့်၊ ၈-တန့်၊ ၁၂-တန့်) အိမ်ရှင် တို့ အင်အားနည်းလေ ကောင်းလေ ဟူ၍ လည်းကောင်း မှားယွင်းသော ဆုံးဖြတ်မှု များပေါ်ပေါက် လာရခြင်း ဖြစ်သည်။
“အင်အား” ဆိုသည်မှာ- “Strength” ခေါ် တောင့်တင့် ခိုင်မာမှု စွမ်းအား ဟု အဓိပ္ပါယ် တစ်မျိုးထွက်၍၊ အခြား အဓိပ္ပါယ် တစ်ခုမှာ- “Influence” ခေါ် လွှမ်းမိုးမှု စွမ်းအား ဟူ၍ (၂) ခုကွဲပြား စွာ ရှိနေသည်။
      မည်သည့် ဂြိုဟ်မဆို၊ တနည်းအားဖြင့် မည်သည့် ဘာဝ အိမ်ရှင်မဆို- “Strength” ခေါ် တောင့်တင့် ခိုင်မာမှု စွမ်းအား ကောင်းခြင်းသည် အရေးကြီးသော လိုအပ်ချက် တစ်ခု ဖြစ်ပါသည်။ ထိုမှသာ ထိုဂြိုဟ်သည် သက်ဆိုင်ရာ တာဝန်တို့ကို ကောင်းမွန် ကျေပွန်စွာ ထမ်းဆောင်နိုင်မည် ဖြစ်သည်။ ဆိုလိုသည် မှာ ဂြိုဟ်ဆိုးတို့သည် လည်း သက်ဆိုင်ရာ တာဝန်များရှိနေခြင်း ကြောင့် ၄င်းတို့၏ အင်အားကောင်းခြင်း သည် လိုလားသင့်သော အချက်တစ်ခု ဖြစ်သည်။
      - “Influence” ခေါ် လွှမ်းမိုးမှု စွမ်းအား ဆိုသည်မှာ- ထိုဂြိုဟ်သည် အခြား သော ဂြိုဟ်များ နှင့် အတန့် ဘာဝ တို့ကို အပူး၊ အမြင် အံသာ အနေအထား နီးစပ်မှုတို့ဖြင့် - လွှမ်းမိုးထားခြင်းကို ဆိုလိုသည်။
      - ဆိုလိုသည်မှာ- ဇာတာရှင် တစ်ဦးအတွက်- ၆-တန့်သခင်လည်းဖြစ်၊ စရိုက်အရ လည်း ကြမ်းတမ်းသော သဘာဝ ရှိသည့် အင်္ဂါသည် ဂြိုဟ်ဆိုး တစ်ခု ဖြစ်သည်ဟု ဆိုနိုင်၍- ၄င်း အင်အား “Strength” ကောင်းခြင်းသည် ဇာတာရှင် အနေဖြင့် မတော်တစ်ဆ ဖြစ်ရပ်များတွင် ပါဝင်သော်မှ အသက်အန္တာရယ်မှ လွတ်မြောက်နိုင်ခြင်း၊ ရန်သူကို အောင်နိုင်ခြင်း၊ အလုပ် လုပ်ကိုင် ရာတွင် မည်သူနှင့် မျှ မတူအောင် စိတ်ရောကိုယ်ပါ ထူးခြားထက်မြက်စွာ လုပ်ကိုင်နိုင်ခြင်း စသော အစွမ်းများကို ပေး၍ လိုအပ်သော ကိစ္စ ဖြစ်သော်လည်း- ထိုအင်္ဂါသည် မူလ ဇာတာတွင် မည်သည့် အခြားသော ဂြိုဟ်များ၊ ဘာဝ များကိုမျှ ဖျက်ဆီးထားခြင်း မရှိပါမူ ဤဇာတာရှင် သည် ဘ၀ တစ်သက်တာ အားဖြင့် အောင်မြင်၍ အန္တရာယ်မှ ကင်းဝေး မည့်သူဖြစ်သည်။ သို့သော် ထိုအင်္ဂါသည် အခြားသော ဂြိုဟ်များ၊ အတန့် ဘာဝများကို မူလ ဇာတာတွင် ဖျက်ဆီးတိုက်ခိုက် ထားမှုများ ရှိနေပါမူ- ဇာတာရှင် အနေဖြင့် ကံကြမ္မာ အနိမ့်ပိုင်း ကျရောက်ချိန်၊ ဒဿာ ကာလ အတွင်းတွင် ကောဇာ အင်္ဂါသည် သက်ဆိုင်ရာ ဂြိုဟ်များ၊ ဘာဝများကို နီးစပ်စွာ လွှမ်းမိုးမှု “Influence” ဖြစ်သော အချိန်ပိုင်းတွင် ဇာတာရှင် တွင် မတော်တစ်ဆမှု၊ ခိုက်ရန် ဖြစ်ပွားမှု၊ အမှုအခင်း ဖြစ်မှု၊ များ ပြဿနာ များကို ထင်ရှားစွာ ကြုံတွေ့ရမည် ဖြစ်သည်။
“ဗေဒင် ပညာ” ဟူသည်- “ဗေဒ” ဆိုသော အသိဥာဏ် ပညာ ကို ကိုယ်စားပြုသည်။ ဗေဒင် ပညာ ကို အများစုက နားလည် ထားသည်မှာ ရှေ.ဖြစ်နောက်ဖြစ် ဟောသော Fortune Teller ဟူ၍ ဖြစ်သည်။ Fortune Telling အမျိုးမျိုး ရှိ၏။ အချို.သော နည်းတို့မှာ အလွန်ပင် မှန်သော်လည်း- အသိဥာဏ် ပညာဟူ၍ လုံးလုံး နီးပါးပင် မလိုချေ။ ဗေဒင် ကျမ်းတို့တို- အသိဥာဏ် မပါပဲ- အာဂုံကျက် ခဲ့သော်- ကျမ်းတတ်သော“ဗေဒင် ဆရာ” ဖြစ်သွား၏။ အမှန်က “ဗေဒင် ပညာ” သည် ကျမ်းတို့ကို အထောက်အကူ သဘောထား၍- ဟောပြော စိစစ်ခြင်း တို့ကို အခြေခံပြီးနောက်- မိမိ၏ အသိဥာဏ် တံခါးကို ဖွင့်သော - ပညာရပ် ဖြစ်သည်။
ထို့ကြောင့်လည်း- ဗေဒင် ပညာ၏ အနှစ်သာရကို သဘောပေါက်သွားသော ပညာရှင်ကြီး များသည် ပကတိ အနှစ်သာရကို ရှာဖွေရန် လူ့ဘောင် လောကကို စွန့်ခွာ သွားကြခြင်း ဖြစ်သည်။

> ၁၆။ပန်းခြံတွေမှာတွေ့ ရတဲ့ မြင်းစီးစစ်သည်ရုပ်တုတွေရဲ့ မြင်းရဲ့ခြေထောက်
> (၁) ဖက်ဟာလေထဲမှာရှိနေရင် အဲဒီစစ်သည်ဟာ စစ်ပွဲမှာ ရတဲ့ဒဏ်ရာကြောင့်
> သေတာတဲ့၊ (၂)ဖက် လေထဲမှာ ရှိနေရင်စစ်ပွဲမှာကျတာပါတဲ့၊ (၄) ဖက်လုံး
> မြေပေါ်မှာ ရှိနေရင်တော့ ရိုးရိုးသေတာပါတဲ့
> (ကဲ...ပန်းခြံတွေရောက်ရင်သေချာကြည့်ဖို့မနေ့ ကြနဲ့နော်)
> (ရုပ်တုကိုကြည့်ဖို့ပြောတာနော်)
> ၁၇။ဟိုးရှေးရှေးတုန်းက အင်္ဂလန်မှာ ဘုရင့် ရဲ့အမိန့် မရပဲ
> ပြည်သူပြည်သားတွေဟာ လိင်ဆက်ဆံလို့မရကြပါဘူးတဲ့... သူတို့ဟာ
> ကလေးလိုချင်ရင် ဘုရင့်ခွင့်ပြုချက်ရမှ...အဲဒီခွင့်ပြုချက်ကို
> အိမ်တံခါးဝမှာချိတ်ပြီး လိင်ဆက်ဆံမှုပြုရပါတယ်တဲ့...
> ဟီးဟီး..တစ်မျိုးပဲနော်
> အဲဒီ Plague ကတော့ဒီလိုလေးပါ... "Fornication Under Consent of the King" (fuck)
> (ရိုင်းတယ်လို့မထင်စေချင်ပါ... သိစေချင်လို့တင်ပြပေးတာပါခင်ဗျာ...)
> ၁၈။အင်္ဂလိပ်တွေ သြစတေးလျကို စပြီးခြေချကြတော့ သားပိုက်ကောင်ကို
> ဘယ်လိုခေါ်သလဲလို့ စမေးကြပါတယ်တဲ့.... ဒေသခံ သြစတေးလျန်းတွေက "Kan Ghu Ru"
> လို့ဖြေကြပါတယ်
> ဒါနဲ့ပဲ..ကိုရွှေဥာဏ်ကြီးရှင်တွေက သားပိုက်ကောင်ကို "Kangaroo" လို့
> ခေါ်ဝေါ်သမုတ်ခဲ့ပါတယ် သြစတေးလျန်းတွေပြောတဲ့ "Kan Ghu Ru" ဆိုတာက "We
> don"t understand you " ပါတဲ့ဗျား..
> ၁၉။ကိုယ့်တံတောင်ဆစ်ကို ကိုယ့်လျှာနဲ့ကိုယ် လျက်ကြည့်ကြစမ်းပါ..ရလားမသိဘူး
> ၂၀။ဟိုးအရင်က စစ်ပွဲတွေမှာ တပ်ဖွဲ့ တွေ မပျက်မစီး မဆုံးရှုံးပဲ
> ကိုယ့်ရပ်ရွာကိုပြန်လာနိုင်ရင် " 0 killed"
> လို့ရေးပြီးပြန်လာကြပါတယ်တဲ့....အဲဒီကနေ ယခုကျွန်တော်တို့တွေ ပြောနေတဲ့
> "OK "ဆိုတာ ဖြစ်လာတာပါ..
> ကဲ..ဒီလောက်ပါပဲ.. နောက်များမှ..အားတဲ့အချိန် တင်ဆက်ပေးပါအုံးမယ်..
> သြော်..ပြောစရာကျန်ခဲ့သေးတယ် ဒီစာကိုဖတ်တဲ့ သူ ၈၀% က ကိုယ့်တံတောင်ဆစ်ကို
> ကိုယ့်လျှာနဲ့ကိုယ် လျက်ကြတယ်ဗျား.... ဟုတ်ရဲ့လား...

ပိန်ချင်သူတွေအတွက် အကောင်းဆုံး နံနက်စာ

(၁) ဂျုံကြမ်းဖြင့် ပြုလုပ်ထားသော ပေါင်မုန့်
ဂျုံကြမ်းနဲ့ ပြုလုပ်ထားတဲ့ ပေါင်မုန့်တွေမှာ အမျှင်ဓာတ်များစွာ ပါဝင်တဲ့အတွက် သင့်ကို တာရှည်စွာ အဆာခံနိုင်တယ်လို့ ဆွီဒင်မှ သုတေသနပြုသူတွေက ဆိုပါတယ်။ ဂျုံကြမ်းနဲ့ ပြုလုပ်ထားတဲ့ ပေါင်မုန့်ကို နံနက်စာ အဖြစ်စားသူတွေဟာ ဂျုံနုနဲ့ လုပ်ထားတဲ့ ပေါင်မုန့်စားသူတွေထက် ၃ နာရီ ပိုပြီး အဆာခံနိုင်ကာ အကျိုး သက်ရောက်မှုဟာ နေ့ခင်းအထိတောင် တာရှည်နိုင်တယ်လို့ ဆိုပါတယ်။
(၂) နွားနို့
အဆီမပါတဲ့ နွားနို့ကို နံနက်စာအဖြစ် စားသုံးသူတွေဟာ နေ့လယ်စာမှာ အစာ စားတဲ့ ပမာဏကို လျှော့ချနိုင်ပါတယ်။ သြစတြေးလျတက္ကသိုလ်မှ သုတေသန ပြုသူတွေက နံနက်စာကို နွားနို့ သောက်သူတွေဟာ အချိုရည် သောက်သူတွေထက် ပိုမို ဗိုက်ပြည့်တင်းမှု ရစေပြီး နေ့ခင်းအစာစားချိန်မှာ ၂၀၀ ကယ်လိုရီလောက် လျှော့စားဖြစ်တယ်လို့ တွေ့ရှိခဲ့ပါတယ်။
(၃) ကြက်ဥ
အစားလျှော့စားသူတွေအဖို့ နံနက်စာကို ကြက်ဥစားသုံးရင် ကိုယ်အလေးချိန် ပိုလျော့နိုင်တယ်လို့ US မှ လေ့လာမှုအရ သိရပါတယ်။ နံနက်စာကို ကြက်ဥ နှစ်လုံးနဲ့ စတင်သူတွေဟာ ကိုယ်အလေးချိန် ၆၅ ရာခိုင်နှုန်း ပိုလျော့ပြီး BMI ၆၁ ရာခိုင်နှုန်း ပိုကျကာ စွမ်းအင်အဆင့်တွေ ပိုကောင်းတယ်လို့ ဆိုပါတယ်။

Pelvic floor exercises အမျိုးသမီးတိုင်းအတွက် လေ့ကျင့်ခန်း

“တသားမွေး တသွေးလှ” ဆိုတာ အပေါ်ယံကြည့် ပြောကြတာများတယ်။ အတွင်းအင်္ဂါတွေပါ ကျန်းမာ သန်စွမ်းဘို့ လိုသေးတယ်။ အမျိုးသမီး ကြီး-ငယ်မဟူ၊ အပျိုရော အအိုပါ၊ တဒ်ါလာမှ မကုန်ဘဲ၊ အထဲက အင်္ဂါမှန်သမျှ ပြန်ကောင်းအောင် လုပ်လို့ရတဲ့နည်း၊ အသုံးများပေမဲ့ အသစ်နဲ့မခြား အားကောင်းနေစေမဲ့ နည်းကို ရေးပါမယ်။
ကိုယ်ဝန် တခါဆောင်ရင် တခါ အတွင်းအင်္ဂါတွေ အားနဲစေတယ်။ ကြာရင် အိမ်ထောင်ရေးကိုပါ ထိခိုက်နိုင်တယ်။ ကိုယ့်ကိုယ်ကို သိမ်ငယ်စိတ် ၀င်နိုင်တယ်။ စားဆေး-ထိုးဆေးနဲ့ မရပါ။ နတ်ရေကန်ထဲလဲ ဆင်းမရ၊ Pelvic floor exercises လုပ်မှ ကောင်းတယ်။ Kegel exercises လေ့ကျင့်ခန်းလို့လဲ ခေါ်တယ်။ အိမ်ထောင် မကျသေးသူတွေလဲ တချို့ ဖြစ်တတ်လို့ ငါန်းဇွန်နယ်မှာ တယောက် ခွဲတောင် ပေးရသေးတယ်။ Prolapse uterus သားအိမ်ကျ၊ Cystocele ဆီးအိမ်ကျ၊ Rectocele အစာဟောင်းအိမ်ကျ၊ Urinary incontinence ဆီးမထိန်းနိုင်တာ။ ဒီလို ရောဂါတွေသာမက (ဗဂျိုင်းနား) ကြွက်သားတွေ အားပြော့နေတာလဲ ကျန်းမာရေး-လူမှုရေး ပြဿနာဘဲ။
တင်ပါးဆုံ-အရိုးကွင်းထဲမှာ အင်္ဂါတွေ အများကြီး ရှိတယ်။ ယောက်ျား-မိန်းမ နဲနဲမတူကြဘူး။ လူတယောက်ကို တဖက် မျက်နှာမူ ခိုင်းပြီး ဘေးတည့်တည့်ကနေ ကြည့်ရင် ရှေ့ဆုံးမှာ Pubis ဆီးစပ်ရိုး၊ နောက်မှာ Bladder ဆီးအိမ်၊ နောက်မှာ မိန်းမတွေမှာသာရှိတဲ့ Uterus သားအိမ်၊ နောက်ဆုံးမှာ Rectum အစာဟောင်းအိမ် ရှိတယ်။ ယောက်ျားတွေမှာသာ ဆီးအိမ် အောက်ကပ်နေတဲ့ Prostate ဆီးကြိတ် ရှိတယ်။ မိန်းမတွေမှာ သားအိမ် အောက်က တဆက်ထဲ Vagina မွေးလမ်းကြောင်း ရှိတယ်။ အစာဟောင်းအိမ် အောက်က ဆက်နေတာက Anus စအို။
ဒီအင်္ဂါတွေကို သူ့နေရာသူ ပုံမှန်ရှိနေအောင် Muscles ကြွက်သား၊ Fascia အရွတ်ပြားတွေကနေ ထိန်းပေး-တည့်ပေး-မ ပေးထားတယ်။ ထိန်း-တည့်-မ လုပ်ပေးတာတွေ အားနဲလာရင် ပြောခဲ့သလို အမျိုးမျိုး ဖြစ်လာစေနိုင်တယ်။ သိတဲ့အတိုင်း ကြွက်သားဆိုတာ လေ့ကျင့်ပေးရင် သန်မာစေနိုင်လို့ လေ့ကျင့်ပေးရမယ်။
အရင်ဆုံး ဘယ်ကြွက်သားတွေကို လေ့ကျင့်ရမလဲ သိအောင်လုပ်ရတယ်။ ဆွဲကိုင် မပြနိုင်လို့ သင်ပြပေးရတယ်။ လွယ်ပါတယ်။ ကိုယ့်ဖါသာ ဆီးသွားနေရင်း ဆီးမကုန်ခင် ဆီးသွားတာ ရပ်သွားအောင် ကြိုးစားကြည့်ပါ။ ဘယ်နေရာကို Squeeze and lift ညှစ်၊ မ-တင်ပေးရင် ဆီးရပ်မလဲဆိုတာ ကိုယ်တိုင် သိလာလိမ့်မယ်။ စအိုနဲ့ မွေးလမ်းပေါက်တွေကို ပိတ်ပြီး ဆွဲတင်သလို လုပ်ရတယ် မဟုတ်လား။ Upward and inward အထက် နဲ့ အတွင်းထဲဆီကိုပါ။
သေခြာအောင် စစ်မယ်။ လေ့ကျင့်နေတုံးမှာ တင်ပါးကို ဆွဲတင်တာ လှုတ်တာ မဖြစ်စေပါနဲ့။ ပေါင်-ခြေတွေလဲ ညှစ်တာမျိုး မလုပ်ရပါ။ အသက် အောင့်စရာ မလိုပါ။ သိပြီဆိုရင် သက်တောင့် သက်သာ အနေအထား (လှဲနေရင်း) စလုပ်ပါ။ အဆင်ပြေလာတဲ့အခါ ထိုင်ရင်း လုပ်ပါ။ နောက်ဆိုရင် အလုပ် လုပ်နေရင်းလဲ လုပ်ပါ။ အချိန်မရွေး လုပ်နိုင်ပါတယ်။ ကြွက်သားတွေကို ညှစ်ထိန်းထာတာကို အစမှာ ၂ စက္ကန့်၊ နောက် ၁၀ စက္ကန့်ကြာအောင် ကြိုးစားပါ။
ကျွမ်းကျင်လာပြီဆိုရင် ဗိုလ်သင်တန်း တက်ရအောင်။ အသက် မှန်မှန် ရှူပါ။ ကြွက်သားတွေကို ဆွဲတင်ပြီးနောက် ပြန်လျှော့ချတာကို ဇတ်ကနဲ လုပ်လိုက်ပါ။ တင်းတာထက် ချတာက မြန်ပါစေ။ ၁၀ ကြိမ် ဆက်တိုက် လုပ်ပါ။ တခါလုပ် ၈-၁၀ ကြိမ်၊ တနေ့မှာ ၃ ခါလုပ်ပါ။ တကယ်လို့ ကိုယ့်က ချို့ယွင်းနေလို့ ပြုပြင်ရသူဆိုရင် ပိုလုပ်ရပါမယ်။ ချို့ယွင်းနေတယ် ဆိုတာ၊ သားအိမ် ကျချင်နေတာ၊ ဆီး အထိန်းရခက်တာ၊ (ဗဂျိုင်းနား)မှာ တစ်ဆို့ဆို့ ဖြစ်နေတာ၊ (ဗဂျိုင်းနား) တင်းအား လျှော့နေတာ။
ပွင့်ပွင့်လင်းလင်း ရေးပါရစေ။ အဲလိုမျိုး လုပ်တာကို ကိုယ့်ခင်ပွန်းနဲ့ အတူနေတုံးမှာ ကိုယ်က လုပ်တာကို သူက ခံစားပြီး သိပါလိမ့်မယ်။ အိမ်ထောင်မရှိသူတွေလဲ သေခြာအောင် (ဗဂျိုင်းနား) ထဲ လက်ချောင်း ၂ ချောင်းထည့်ပြီး လေ့ကျင့်တဲ့အခါ လက်ကို ဖိအား သက်ရောက်လာတာကို သိနိုင်တယ်။
ဒီလေ့ကျင့်ခန်းဟာ ဆီးမထိန်းနိုင်တဲ့ရောဂါ Stress urinary incontinence ကိုပါ ကုနိုင်တယ်။ ပိုဆိုးတဲ့ Urge urinary incontinence ကိုတော့ မရနိုင်ပါ။ ကိုယ်ဝန်ဆောင်နေချိန်မှာပါ လုပ်သင့်တယ်။
အမျိုးသမီးတိုင်းမှာ သတိထားစရာတွေ ရှိတယ်။ ၀မ်းချုပ်လို့ ညှစ်ရတာ၊ အလေးအပင် မ-တာ၊ ချောင်းဆိုး၊ နှာချေ၊ ရီမောတဲ့ အခါမျိုးတိုင်းမှာပါ တင်ပါးဆုံရိုးကွင်းထဲက အင်္ဂါတွေကို ထိန်းပေးထားရမယ်။ လက်လွတ်စပယ် မလုပ်ပါနဲ့။ ဖြစ်နိုင်ရင် ဆောင့်ကြောင့် မထိုင်ပါနဲ့။ Toilet သုံးတာမှာ ဒူးကို ၉၀ ဒီ၈ရီ ထားလို့ရတာမျိုးသာ သုံးပါ။ ပက်လက် အိပ်နေရင်း ခြေထောက် မြှောက်တာကို ၂ ဖက်လုံး တပြိုင်နက် မလုပ်ပါနဲ့။ လုပ်ရရင်လဲ သတိရှိပါ။ မတ်တပ်ရပ်နဲ့ ခြေ ၂ ဖက် ဆန့်ပြီး ခါးကုံးတာမျိုး ဆင်ခြင်ပါ။ တင်ပါးဆုံရိုးကွင်းထဲက အင်္ဂါတွေကို တွန်းထုတ်သလို မဖြစ်စေနဲ့။ ဆီးသွားတာကို တကယ် ဆီးအိမ်တင်းနေမှသာ သွားပါ။ ၀မ်း မချုပ်ပါစေနဲ့။ ဒါပေမဲ့ ၀မ်းနုတ်ဆေး ခဏခဏ မသောက်ပါနဲ့။ သင်္ဘောသီး၊ မန်ကျီးသီးမှည့်နဲ့ ၀မ်းသွားအောင် လုပ်ပါ။ ၀မ်း-ဆီး များများ သွားရရင် ORS ဓါတ်ဆားရည် သောက်ပါ။ ရေနွေးကြမ်း သောက်ပါ။ အုန်းရည် သောက်ပါ။ ငှက်ပျောသီး၊ လိမ်မော်သီး စားပါ။
စိတ်လဲ လှပါစေ၊ ကိုယ်လဲ အပြင်ကရော အတွင်းထဲကပါ လှကြပါစေ။
Dr. တင့်ဆွေ
၂၂-၉-၂၀၁၀

အနမ်းရဲ့အကျိုးကျေးဇူး

သင့်မှာ ချစ်သူရှိပါသလား.....? နောက်ပြီး ချစ်သူကိုရော မြတ်မြတ်နိုးနိုးနမ်းခဲ့ဖူးပါသလား....?
ပြီးတော့ ချစ်သူကိုနမ်းခြင်းဟာ ကျန်းမာရေးကိုအထောက်အကူပြုတယ်ဆိုတာကိုရော သိပါသလား....?
ကဲ … စိတ်ဝင်စားတယ်ဆိုရင် အောက်မှာရေးထားတဲ့ အနမ်းနဲ့ ကျန်းမာရေးဘယ်နည်းဘယ်ပုံ ဆက်စပ်နေတယ်ဆိုတာကို ဆက်ပြီး ဖတ်ကြည့်ပေါ့နော်။
တကယ်တော့ လူတစ်ယောက်နဲ့တစ်ယောက် နမ်းတယ်ဆိုတာ ခံစားချက်အရရော၊ ယဉ်ကျေးမှုဓလေ့ထုံးစံတွေအရပါ
ချစ်ခင်နှစ်လိုခြင်းဆိုတဲ့ သက်ရောက်မှုကို ဖွင့်ဆိုတာ ဖြစ်ပါတယ်။
လူတစ်ယောက်ကို နမ်းပြီဆိုရင် နမ်းတဲ့လူက အနမ်းခံရတဲ့သူကို ချစ်ပါတယ်ဆိုတဲ့ အဓိပ္ပါယ်ပဲပေါ့။
ကဲ …ဒါဆို အနမ်းနဲ့ပတ်သတ်တဲ့ Definitionလေးတစ်ခုလောက် ထုတ်ကြည့်ရအောင်။
သင်ကရော ဘယ်လိုမျိုးဖွင့်ဆိုမှာလဲ။ အနောက်တိုင်းယုံကြည်မှုအရတော့ နမ်းတယ်ဆိုတာ "နှစ်လိုဖွယ် ခံစား ဆက်ယှက်မှုကိုပါးစပ်ကမပြောဘဲ နှုတ်ခမ်းချင်း ထိတွေ့ပူးကပ်ပြီး ဖော်ပြတဲ့ ချစ်ခြင်းရဲ့သင်္ကေတ" လို့ ဖော်ပြထားပါတယ်။
နောက်ပြီးတော့ တစ်ယောက်ကိုတစ်ယောက် မြတ်မြတ်နိုးနိုး နမ်းရှုံ့ကြတဲ့ စုံတွဲတွေတိုင်းကျန်းမာရေးအတွက်
ကောင်းမွန်တဲ့ အချက်(၇)ခုကို အလိုလိုရရှိနိုင်တယ်တဲ့။

အနမ်းရဲ့အကျိုးကျေးဇူး
အဲဒီ(၇)ချက်ကဘာတွေလဲဆိုတော့ …
၁။ တစ်ယောက်ကိုတစ်ယောက် နမ်းနေကြတဲ့အခါ ချစ်သူစုံတွဲ နှစ်ယောက်လုံးရဲ့
သွေးကြောတွေဟာ ပြန့်ကားသွားပြီး သွေးခုန်နှုန်းကိုလည်း မြန်လာစေပါတယ်။
ဒါ့ကြောင့် သွေးကြောတွေထဲမှာ ပိတ်ဆို့နေတဲ့ အဆီတွေကို ချေဖျက်ပစ်ပြီး
သွေးထဲမှာရှိတဲ့ ကိုလက်စထရော ပမာဏကိုလည်း ကျဆင်းစေပါတယ်။
၂။ နမ်းနေတဲ့အချိန်မှာ စုံတွဲနှစ်ယောက်လုံးရဲ့ မျက်နှာပေါ်မှာရှိတဲ့
ကြွက်သားမျှင် အခု(၃၀)လောက်ကို လှုပ်ရှားလာအောင် ဦးနှောက်က လှုံ့ဆော်ပေးပါသတဲ့။
ဒါကြောင့်လဲ မျက်နှာမှာရှိတဲ့ အရေပြားတွေမှာ ပိတ်ဆို့နေတဲ့ အညစ်အကြေးတွေကို
ဖယ်ရှားသန့်စင်စေပြီး မျက်နှာတစ်ပြင်လုံး ပိုမိုချောမွေ့လာစေပါတယ်။
နောက်ပြီးတော့ မျက်နှာပေါ်မှာ ယှက်ဖြာနေတဲ့ ဆံချည်မျှင် သွေးလွှတ်ကြောတွေရဲ့
သွေးစီးဆင်းမှုကို ပိုပြီးကောင်းလာစေပါတယ်။
၃။ နောက်တစ်ခုကတော့ ၀တဲ့သူတွေ စိတ်ဝင်စားမယ့် ကိစ္စပါပဲ။ (၅)စက္ကန့်ကြာအောင်
တစ်ခါနမ်းတိုင်း ကိုယ်တွင်းမှာ သိုလှောင်ထားတဲ့ အဆီပမာဏ (၁၂)ကီလိုရီ
လောင်ကျွမ်းစေတယ်ဆိုပဲ။ ဒါကြောင့် ၀ိတ်ကျချင်ရင် ရည်းစားကို များများနမ်းကြပါ။
၎။ နောက်တစ်ခုကတော့ စိတ်နဲ့ဆိုင်ပါတယ်။ နမ်းခြင်းဟာ စိတ်ထဲမှာရှိနေတဲ့
ဖိစီးမှုတွေ၊ အားငယ်မှုတွေကို ချေဖျက်ပေးပြီး စိတ်ခွန်အား နိမ့်ကျခြင်း
ဖြစ်ပေါ်လာအောင် လှုံ့ဆော်ပေးတဲ့ ဟိုမုန်းဓာတ်တစ်မျိုး ဦးနှောက်က
ထုတ်ပေးတာကိုလည်း တားဆီးပေးပါတယ်။ နောက်ပြီး ယုံကြည်မှု ပျောက်ဆုံးနေတဲ့
သူတွေတောင် ချစ်သူရဲ့အနမ်းကြောင့် ကိုယ့်ကိုယ်ကို အကြီးမြတ်ဆုံး
သူရဲကောင်းကြီးတွေလို့ ထင်မှတ်လာတတ်တယ်လို့ သုတေသီတွေက အတည်ပြုထားပါတယ်။
ဒါကြောင့် ချစ်သူရဲ့အနမ်းဟာ အကောင်းဆုံးသော စိတ်ပိုင်းဆိုင်ရာ ကုထုံးတစ်ခုပါပဲ။
၅။ ပြီးတော့ အနမ်းဆိုတာ သဘာဝ ရောဂါကာကွယ်ဆေး တစ်မျိုးပါပဲတဲ့။ ဆေးပညာ သဘောအရ
လူတစ်ဦးဆီမှာ ရှိနေတတ်ကြတဲ့ သဘာဝကိုယ်ခံစွမ်းအားတွေဟာ မတူညီကြပါဘူး။ ဒါပေမယ့်
ချစ်သူနှစ်ဦး နမ်းကြတဲ့အခါ သူတို့တစ်ယောက်ချင်းစီမှာရှိတဲ့ ကိုယ်ခံပဋိဇီဝ
စွမ်းအားတွေဟာ တံတွေးကနေတဆင့် ပေါင်းစပ်သွားပါတယ်။ အဲဒီကနေတဆင့်
ကိုယ့်ချစ်သူမှာရှိပြီး ကိုယ့်ဆီမှာမရှိတဲ့ ရောဂါကာကွယ်မှု စွမ်းအင်တွေ
ကိုယ့်ခန္ဓာကိုယ်ထဲ ပေါင်းစပ်ရောက်ရှိလာနိုင်ခြေဟာ ရာခိုင်နှုန်း(၈၀)ထိ
ရှိတယ်ဆိုပဲ။ ဒီဖြစ်စဉ်ကို "အနမ်းဖြင့် ရောဂါကာကွယ်နည်း"လို့ စိတ်ပညာရှင်တွေက
နာမည်ပေးထားပါတယ်။
၆။ နောက်ပြီး အနမ်းဟာ လူရဲ့ဦးနှောက် စွမ်းဆောင်ရည် တိုးတက်လာအောင် စနစ်တကျ
နှိုးဆွပေးပါတယ်။ ဘယ်လိုအချိန်မျိုးမှာ သိသာလဲဆိုရင် ကိုယ့်ချစ်သူကို
ပထမဆုံးအကြိမ် နမ်းဖူးတဲ့အခါ ပေါ်ပေါက်လာတတ်တဲ့ ရှိန်းကနဲ၊ ဖိန်းကနဲ
ခံစားမှုမျိုးမှာ ထင်ထင်ရှားရှား တွေ့နိုင်ပါတယ်တဲ့။ အဲဒီအခိုက်အတန့်မှာ
လူတစ်ယောက်ရဲ့ ဦးနှောက်အရည်အသွေးဟာ ထိပ်ဆုံးအဆင့်ထိ တက်နေပြီးတော့
ကိုယ်ရည်ကိုယ်သွေးကလည်း အမြင့်မားဆုံး ဖြစ်နေတတ်တယ်လို့ ဆိုပါတယ်။
၇။ နောက်ဆုံးတစ်ခုကတော့ သင်ကိုယ်တိုင်ပဲ စမ်းကြည့်ပြီးမှ ယုံပါတော့။ အဲဒါက
ဘာလဲဆိုတော့ … ချစ်သူကို နမ်းရတာ ရင်ခုန်ကြည်နူးစရာ ကောင်းတယ်တဲ့။ နောက်ပြီး
ပျော်စရာလဲ ကောင်းပါတယ်တဲ့။ ဘယ်လိုလဲ။ ဟုတ်ရော ဟုတ်ရဲ့လား???။

နှင်းဆီ နှင့် အချစ်အဓိပ္ပါယ်

စာအုပ်ထဲ ကတွေ့လို့  ကောင်လေးတွေ ရောကောင်မလေး တွေရော မှတ်ထားသင့်ပါတယ်.....
           နှင်းဆီပန်းဟာ အချစ်ရဲ့သင်္ကေတဆိုတာ အားလုံးသိပြီးဖြစ်မှာပါ.....နှင်းဆီပန်းမှာအရောင်အမျိုးမျိုးနဲ့ အဓိပ္ပါယ်အမျိုးမျိုး ကို
           အသေးစိတ်ခွဲခြားထားပါတယ်....  ကိုယ်ချစ်တဲ့သူကိုနှင်းဆီပန်းပေးမယ် ဆိုရင်အဓိပ္ပါယ်ခွဲခြားသိမှဖြစ်မယ်.......မဟုတ်ရင်
           ကိုယ်ကချစ်ခြင်း မေတ္တာအပြည့်နဲ့ပေးပါလျှက်  ...........
           ကိုယ်ပေးလိုက်တဲ့ပန်းအရောင်နဲ့အရေအတွက်အရအဓိပ္ပါယ်တစ်မျိုးထွက်သွားနိုင်ပါတယ်
           အဲဒါကြောင့်.......ဒါလေးကိုဖတ်ပြီး   ကိုယ်ချစ်တဲ့သူတွေကို  အဓိပ္ပါယ်အပြည့်နဲ့ပန်းတွေကိုပေးလိုက်ပါ.........
         အရောင်အသွေး အဓိပ္ပါယ်
နှင်းဆီနီ                                          ---     မင်းကိုကိုယ်ချစ်တယ်  .......
နှင်းဆီပန်းရောင်                              ---     ပြီးပြည့်စုံသော ပျော်ရွှင်မှု ၊ အပြုံးတောက်ပမှု ၊ ကိုယ့်ကိုယုံကြည်ပါ .......
နှင်းဆီဖြူ                                        ---     ထာဝရအချစ် ၊ဖြူစင်မှု ။သန့ရှင်းမှု ၊လျှို့ဝှက်မှု ၊တိတ်ဆိတ်ခြင်း  ...........
နှင်းဆီဝါ                                         ---     ခင်မင်မှု ၊မနာလိုမှု ၊ကိုယ်ဟာမထိုက်တန်သူပါ  ........
နှင်းဆီနက်                                      ---     မင်းကိုစွဲလန်းမိနေတယ်  ............
နှင်းဆီလိမ်မော်                                ---     မင်းဟာကိုယ့်ရဲ့တိတ်တခိုးချစ်သူပါ   ..............
နှင်းဆီအဖြူ နှင့် အနီရောင်                ---     ကိုယ်တို့ဟာခွဲခြားလို့မရဘူး ၊ အတူတကွ ........
နှင်းဆီဆူးမဲ့                                     ---     မြင်မြင်ချင်း အချစ် ............
နှင်းဆီဖူး                                         ---     လှပနုပျိုခြင်း ၊အချစ်ကြောင့်အပြစ်ကင်းသောနှလုံးသား .........
နှင်းဆီဖူးအနီ                                   ---     ရှင်းသန့်ခြင်း ၊နှစ်လိုဖွယ်ကောင်းခြင်း  ..........
နှင်းဆီဖူးအဖြူ                                 ---     မိန်းမသားအဖြစ်  ..........
အရေအတွက် အဓိပ္ပါယ်ဖွင့်ဆိုချက် (၂) မျိုးတွေ့လို့ခွဲဖေါ်ပြလိုက်ပါတယ်။ အနက် အဓိပ္ပါယ် ကတောတူပါတယ်.
        အရေအတွက် အဓိပ္ပါယ် (၁)
ပွင့်အာနေသောနှင်းဆီနီတစ်ပွင့်         ---     မင်းကိုကိုယ်ချစ်တယ် ၊မင်းကိုကိုယ်ချစ်နေတုန်းပဲ  .........
ပွင့်အာနေသောနှင်းဆီပန်းစည်း         ---     ကျေးဇူး  ..........
နှင်းဆီတစ်ပွင့် ဘယ်အရောင်မဆို       ---     ကျေးဇူး ၊ရိုးရှင်းခြင်း ..............
နှင်းဆီနှစ်ပွင့်                                   ---     အပြန်အလှန်ခံစားမှု  ...........
     သုံးပွင့်                                       ---     မင်းကိုကိုယ်ချစ်တယ်  .....
     ခုနှစ်ပွင့်                                     ---     အရူးအမူးစွဲလန်းနေပြီ
       ကိုးပွင့်                                     ---     ထာဝရအမြဲအတူရှိနေမယ်
      ဆယ့်ပွင့်                                    ---     မင်းဟာပြီးပြည့်စုံသူတစ်ယောက်ပါ
      ဆယ်တစ်ပွင့်                              ---     မင်းဟာကိုယ့်အတွက်အဖိုးတန်ရတနာတစ်ပါးပါ
      ဆယ့်နှစ်ပွင့်                                ---     ပိုင်ဆိုင်ပါရစေ
    ဆယ့်သုံးပွင့်                                  ---     ထာဝရသူငယ်ချင်း
    ဆယ့်ငါးပွင့်                                   ---     တကယ်တောင်းပန်ပါတယ်
     နှစ်ဆယ်ပွင့်                                 ---     ကိုယ်ဟာမင်းအပေါ်တကယ်ရိုးသားခဲ့ပါတယ်
   နှစ်ဆယ့်တစ်ပွင့်                             ---     မင်းအတွက်ရည်ညွှန်းပြီးပေးတာပါ
    နှစ်ဆယ့်လေးပွင့်                           ---     မင်းအတွက်ထာဝရ
   နှစ်ဆယ့်ငါးပွင့်                               ---     ဂုဏ်ယူပါတယ်
   အပွင့်ငါးဆယ်                                ---ြွခင်းချက်မရှိသောအချစ်
   ကိုးဆယ့်ကိုးပွင့်                              ---     ဘ၀တလျှောက်လုံးချစ်နေမှာပါ
      တစ်ရာ့ရှစ်ပွင့်                              ---     ကိုယ့်ကိုလက်ထက်နိုင်မလား
    ကိုးရာကိုးဆယ့်ကိုးပွင့်                    ---     နောက်ဆုံးအချိန်ထိ မင်းကိုချစ်နေမယ်
                    ကိုယ်ချစ်တဲ့သူ ကို နှင်းဆီပန်း ပေး ရင်း ချစ်တဲ့ သူနဲ့အဆင်ပြေပါစေ  ။။။။။
        အရေအတွက် အဓိပ္ပါယ် (၂)
နှင်းဆီ ၁ပွင့်..... ရင်ထဲမှာ မင်းပဲရှိတယ်
နှင်းဆီ ၂ပွင့်..... ဒီကမ္ဘာမှာ ကိုယ်တို့နှစ်ယောက်တည်း
နှင်းဆီ ၃ပွင့်..... မင်းကိုငါချစ်တယ်
နှင်းဆီ ၄ပွင့်..... သေတောင် မခွဲဘူး
နှင်းဆီ ၅ပွင့်..... တန်ဖိုးထား မြတ်နိုးတယ်
နှင်းဆီ ၆ပွင့်..... တစ်ယောက်ကိုတစ်ယောက် လေးစား၊ ချစ်ခင်၊ ခွင့်လွတ်တယ်
နှင်းဆီ ၇ပွင့်..... မင်းကို တိတ်တခိုးလေး ချစ်နေတယ်
နှင်းဆီ ၈ပွင့်..... မင်းရဲ့ ကြင်နာယုယမှုနဲ့ အားပေးမှုကို ကျေးဇူးတင်တယ်
နှင်းဆီ ၉ပွင့်..... အမြဲတမ်း
နှင်းဆီ ၁၀ပွင့်...... အပြစ်ကင်းစင်သော ချစ်သူ
နှင်းဆီ ၁၁ပွင့်...... မင်းတစ်ယောက်ကိုပဲ ဂရုစိုက်တယ်။
နှင်းဆီ ၁၂ပွင့်...... တစ်နေ့ထက်တစ်နေ့ တိုးလို့ချစ်တယ်။
နှင်းဆီ ၁၃ပွင့်...... သူငယ်ချင်းအချစ်
နှင်းဆီ ၁၄ပွင့်...... ဂုဏ်ယူပါတယ်
နှင်းဆီ ၁၅ပွင့်...... I'M SORRY！
နှင်းဆီ ၁၆ပွင့်...... မတည်ငြိမ်သော အချစ်
နှင်းဆီ ၁၇ပွင့်...... ပြန်မရနိုင်တော့တဲ့ အချစ်
နှင်းဆီ ၁၈ပွင့်...... ရိုးသားပွင့်လင်းခြင်း
နှင်းဆီ ၁၉ပွင့်...... မျှော်လင့်စောင့်စားခြင်း
နှင်းဆီ ၂၀ပွင့်..... ငါ့မှာ ရိုးသားတဲ့အချစ် တစ်ခုတည်းပဲရှိတယ်။
နှင်းဆီ ၂၁ပွင့်..... ရိုးသားတဲ့အချစ်
နှင်းဆီ ၂၂ပွင့်..... မင်းကံကောင်းပါစေ
နှင်းဆီ ၂၅ပွင့်..... မင်းပျော်ရွှင်ပါစေ
နှင်းဆီ ၃၀ပွင့်..... ဖူးစာကိုယုံတယ်
နှင်းဆီ ၃၆ပွင့်..... ရိုမန်တစ်
နှင်းဆီအပွင့် ၅၀..... မမျှော်လင့်ပဲ တွေ့ကြတယ်
နှင်းဆီအပွင့် ၉၉..... FOREVER！
နှင်းဆီအပွင့် ၁၀၀..... ၁၀၀% အချစ်
နှင်းဆီအပွင့် ၁၀၁..... အရမ်း.. အရမ်း..ချစ်
နှင်းဆီအပွင့် ၁၀၈..... လက်ထပ်ခွင့် ပေးပါ
နှင်းဆီအပွင့် ၁၁၁..... အဆုံးမဲ့အချစ်
နှင်းဆီအပွင့် ၁၄၄..... နေ့တိုင်း၊ လတိုင်း၊ အသက်ရှင်နေသရွေ့ မင်းကိုချစ်တယ်
နှင်းဆီအပွင့် ၃၆၅..... နေ့တိုင်းလွမ်းတယ်
နှင်းဆီအပွင့် ၉၉၉..... မချုပ်ငြိမ်းတဲ့အချစ်၊ အမြဲတမ်းထာဝရ
နှင်းဆီအပွင့် ၁၀၀၁...... သက်ဆုံးထိတိုင်

သီချင်းတွေပါ...ကော့တွေလည်းပါတယ်...

အကြိုက်ခြင်းတူတဲ့ သူငယ်ချင်းတွေကို ဖိတ်ခေါ်ပါတယ်...

စက္ကူကြယ်လေးတွေရဲ့ အဓိပ္ပါယ် ကိုသိကြပြီလား

သူငယ်ချင်းတို့...ချစ်တဲ့ကောင်မလေးကို စက္ကူကြယ် လေးတွေခေါက်ပြီးပေးဖူးလား...ကိုရီးယားစတိုင်လို့တော့ထင်တာပဲ...တစ်ကယ်လို့ ပေးမယ်ဆိုရင်တော့ အဓိပ္ပါယ်ကိုသိဖို့တော့လိုတယ်နော်...မသိသေးရင် ကြည့်ထားကြဦး...ကောင်မလေးကိုလည်းပြောပြလို့ရတာပေါ့...
    ၁ ပွင့်..... အချစ်အတွက်ရပ်တည်မှု့
    ၂ ပွင့်..... မင်းကိုသိပ်ချစ်တယ်
    ၃ ပွင့်..... အချစ်ဆုံးကိုလွမ်းစွတ်ခြင်း
  ၁၀ ပွင့်..... အချစ်လိုနေတယ်
  ၁၆ ပွင့်..... အမြဲချစ်ဖို့သတိရနေပါ
  ၉၉ ပွင့်..... အဆုံးမဲ့အချစ်
၃၆၅ ပွင့်..... မင်းတစ်ယောက်တည်းပဲချစ်နေမယ်
၇၅၀ ပွင့်..... မင်းအိပ်မက်ချိုတွေတစ်ကယ်ဖြစ်ပါစေ
၉၉၉ ပွင့်..... မင်းရည်ရွယ်ချက်တွေအောင်မြင်ပါစေ

အချစ်သစ်ပင်

မစိုက်မပျိုး
မထိုးမဆွ မယုယပါ...
ဘာသာတွယ်ဖက်
အမြစ်ထွက်သော
ကျောက်ခက်ကျောက်သား
ချောက်ကမ်းပါးမှ
ကျောက်ကြားမှာရှင်
သစ်တစ်ပင်
အသင် အချစ် ဖြစ်တကား...
မောင်စိန်ဝင်း(ပုတီးကုန်း)